لاہور : پنجاب کابینہ نے صوبے میں اسپیشل اسپیڈی ٹرائل کورٹ قائم کرنے کی منظوری دے دی اور کہا ریپ اور بچوں پر ظلم زیادتی کی مقدمات کا تیز ترین ٹرائل کرکے منطقی تک پہنچایا جائے گا۔
تفصیلات کے مطابق وزیراعلیٰ پنجاب مریم نواز شریف کی زیر صدارت صوبائی کابینہ کا پانچواں اجلاس ہوا، جس میں کابینہ نے پنجاب میں اسپیشل اسپیڈی ٹرائل کورٹ قائم کرنے کی منظوری دے دی۔
اجلاس میں کہا گیا کہ ریپ اور بچوں پر ظلم زیادتی کی مقدمات کا تیز ترین ٹرائل کرکے منطقی انجام تک پہنچایا جائے گا۔
کابینہ کو ہتک عزت کے قانون میں ترمیم اور سپیشل کورٹ قائم کرنے پر بریفنگ دی گئی، منظوری کے لئے جلد پنجاب اسمبلی میں پیش کیاجائےگا۔
ہتک عزت کیس میں نوے دن میں ڈگری اور 180 دن میں ٹرائل ختم کرنا ہوگا، اس موقع پر وزیراعلی پنجاب مریم نوازنے کہا جھوٹ بولنے اور جھوٹے الزامات کے کلچر کو بدلنا ہوگا، ہتک عزت نوٹس بڑے اخبارات ، سوشل میڈیا ، کورئیر کے ذریعے دیا جاسکے گا۔
کابینہ نے سال 24 -2023 کے لئے گندم کی امدادی قیمت تین ہزار نو سو روپے فی من مقرر کی منظوری دے دی اور کہا چھوٹے کاشتکار کے مفادات کا تحفظ ہر صورت یقینی بنانا میرا عزم ہے۔
مریم نواز نے کہا کہ چھوٹے کاشتکاروں کو زرعی مداخل کے لئے ڈیڑھ لاکھ بلاسود قرضے دیں گے، پاکستان کی تاریخ کا سب سے بہترین اور تاریخی کسان کارڈ دے رہے ہیں۔
کابینہ سٹینڈنگ کمیٹی برائے قانونی امور کی تشکیل کی توثیق ،الٹر نیٹ ڈس پیوٹ ریزرو لیشن ایکٹ دو ہزارانیس میں ترامیم کی منظوری دیدی۔
اس کے علاوہ چیئرمین ڈرگ کورٹ گوجرانوالہ کو مس کنڈکٹ کی شکایت پر ہٹانے کی منظوری بھی دیدی گئی۔
