اسلام آباد: پاکستان کے سب سے گنجان آباد صوبے پنجاب میں کم عمر بچوں سے جنسی زیادتی کے ہوشربا اعداد و شمار سامنے آئے ہیں۔
قومی اسمبلی کی قائمہ کمیٹی داخلہ کے اجلاس میں پنجاب پولیس کی جانب سے رپورٹ پیش کرتے ہوئے بتایا گیا کہ پنجاب میں گزشتہ 5 سال میں کم عمر بچوں سے جنسی زیادتی کے 5 ہزار 623 کیسز سامنے آئے۔
رپورٹ کے مطابق پنجاب میں 2020 میں کم عمر بچوں سے زیادتی کے 1082 کیسز رپورٹ ہوئے، 2021 میں کم عمر بچوں سے زیادتی کے 11 سو 48 کیسز درج ہوئے، جب کہ 2022 میں بچوں سے زیادتی کے 1 ہزار 111 کیسز سامنے آئے۔
کراچی : نجی کلینک میں غلط انجکشن لگنے سے 3 سالہ بچی جاں بحق
پنجاب پولیس کی رپورٹ کے مطابق 2023 میں کم عمر بچوں سے زیادتی کے واقعات کی تعداد 1250 ہو گئی، اور رواں برس 2024 کے صرف 10 ماہ میں 1077 کم عمر بچوں کو زیادتی کا نشانہ بنایا گیا۔
پنجاب پولیس نے بتایا کہ 5623 میں سے 4600 کیسز چالان ہوئے، جب کہ 962 کیسز مختلف وجوہ پر کینسل ہوئے۔
