لاہور : پنجاب حکومت کی جانب سے اسموگ کی صورتحال کے پیش نظر تعلیمی اداروں میں بدھ کی چھٹی سے متعلق فیصلہ آج کیا جائے گا۔
تفصیلات کے مطابق نگراں وزیراعلیٰ پنجاب محسن نقوی نے اسموگ کی صورتحال کے تناظر میں آج اجلاس طلب کرلیا ہے ، جس میں تعلیمی اداروں میں بدھ کی چھٹی سے متعلق فیصلہ ہوگا۔
پنجاب بھر میں اسموگ کی صورتحال کا جائزہ لینے کے بعد فیصلہ کیا جائے۔
- Advertisement -
یاد رہے دو روز قبل نگران وزیراعلیٰ محسن نقوی کا کہنا تھا کہ مارکیٹوں اور اسکولوں کی بندش کا کوئی فیصلہ نہیں ہوا، اسموگ خطرناک حد سے اوپر جائے گی تو پھر کابینہ فیصلہ کرے گی۔
خیال رہے انسداد اسموگ کیلئے لاہور انتظامیہ نے بدھ کو مارکیٹس مکمل بند رکھنے اور ملازمین کے لئے ورک فرام ہوم تجویز دی۔
کمشنرلاہور محمد علی رندھاوا نے کہا تھا کہ انسداد اسموگ کیلئے دو ماہ کیلئے بدھ کو چھٹی ہوگی۔
