لاہور: پنجاب میں ضمنی انتخابات کے لیے محاذ گرم ہے، عمران خان آج اوکاڑہ میں میدان سجائیں گے.
گیارہ اکتوبر کو لاہور میں این اے ایک سو بائیس کی نشست پر بڑا مقابلہ ہوگا تو اوکاڑہ میں بھی این اے ایک سو چوالیس کی نشست پر کانٹے دار مقابلے کی توقع ہیں.
لاہور میں جنون کو متحرک کرنے کے بعد کپتان آج کھلاڑیوں کا لہو گرمانے اوکاڑہ پہنچیں گے، تحریک انصاف کی جانب سے فٹبال اسٹیڈیم کو پارٹی کے جھنڈوں بینروں اور رہنماؤں کی تصویروں سے سجایا گیا ہے، شرکاء کے لیے پندرہ ہزار کرسیاں لگائی گئی ہیں جبکہ اسٹیڈیم میں چالیس ہزار لوگوں کے بیٹھنے کی گنجائش ہے۔
گیارہ اکتوبر کو ہونے والے اس معرکے کے مسلم لیگ ن کے علی عارف چوہدری اورپی ٹی آئی کے محمد اشرف خان سوہنڑا مضبوط امیدوار ہیں جبکہ انہیں ٹف ٹائم دینے کے لیے آزاد امیدوار ریاض الحق بھی موجود ہیں۔
این اے ایک سو چوالیس کی نشست پر دو ہزار تیرہ میں مسلم لیگ ن کے محمد عارف چوہدری کامیاب ہوئے تھے مگر جعلی ڈگری کے باعث انہیں اپنی سیٹ سے ہاتھ دھونا پڑے تھے۔
0
20
