لاہور: پاکستان کے صوبہ پنجاب بھر کے گرجاگھروں میں دعائیہ پروگرام کے دروان پنجاب پولیس کو ہائی الرٹ رہنے کی ہدایت جاری کی گئی ہے۔
تفصیلات کے مطابق پاکستان کے صوبہ پنجاب بھر کے گرجاگھروں میں دعائیہ پروگرام کا انعقاد کیا گیا ہے آئی جی پنجاب عثمان انور نے گرجا گھروں کے سیکیورٹی انتظامات بڑھانےکا حکم دیا ہے۔
آئی جی پنجاب ڈاکٹر عثمان انور کا کہنا ہے کہ ایس پیز، سپروائزری افسران گرجا گھروں، اہم مقامات کے سکیورٹی انتظامات خود چیک کریں، حساس گرجا گھروں پر پولیس کی اضافی نفری اور اسنائپرز تعینات کئےجائیں۔
ڈاکٹر عثمان انور کا کہنا تھا کہ ڈولفن اسکواڈ، پی آریو، ایلیٹ ٹیمیں گرجا گھروں کےگرد مؤثر پٹرولنگ کریں، تعینات پولیس افسران اور جوان انتہائی الرٹ رہیں، شر پسند عناصر پر کڑی نظر رکھیں، علماکرام، مسیحی کمیونٹی، امن کمیٹیوں کے ارکان بین المذاہب ہم آہنگی کو فروغ دیں۔
