لاہور : پنجاب میں کورونا سے مزید 15 افراد جاں بحق ہوگئے جبکہ 2275 نئے کیسز سامنے آئے، جس کے بعد اموات کی کل تعداد 6 ہزار 587 ہو گئی۔
تفصیلات کے مطابق ملک میں کورونا کی تیسری لہر کی شدت برقرار ہے ، صوبے پنجاب میں 24 گھنٹوں میں کورونا وائرس سے مزید 15 افراد جاں بحق ہو گئے اور کورونا وائرس سے اموات کی کل تعداد 6 ہزار 587 ہو گئی۔
محکمہ صحت پنجاب کے ترجمان نے کہا کہ صوبے میں کورونا وائرس کے 2275 نئے کیسز رپورٹ ہوئے ، جس کے بعد کورونا وائرس کے کنفرم مریضوں کی تعداد 2 لاکھ 33 ہزار 348 تک جاپہنچی۔
اعدادو شمار کے مطابق لاہورمیں 1362، ننکانہ میں 21، قصور میں 18، شیخوپورہ میں 35، راولپنڈی میں 92، جہلم میں 5، چکوال میں 6، اٹک میں 1، مظفرگڑھ میں 4، حافظ آباد میں 12 اور گوجرانوالہ میں 67 کیسز رپورٹ ہوئے ۔
ترجمان کا کہنا تھا کہ سیالکوٹ میں 60، نارووال میں 8، گجرات میں 24، منڈی بہاؤالدین میں 8، ملتان میں 76، خانیوال میں 6 ، راجن پور میں 6، لیہ میں 3، ڈیرہ غازی خان میں 10 اور وہاڑی میں 21 کیس سامنے آئے ۔
اسی طرح فیصل آباد میں 141، چنیوٹ میں 11، ٹوبہ ٹیک سنگھ میں 38، جھنگ میں 23 اور رحیم یار خان میں 9 ، سرگودھا میں 24، میانوالی میں 1، خوشاب میں 3، بہاولنگر میں 12، بہاولپور میں 76، لودھراں میں 1،بھکر میں 6، ساہیوال میں 36، پاکپتن میں 6 اور اوکاڑہ میں 43 افراد کورونا سے متاثر ہوچکے ہیں۔
دوسری جانب سیکریٹری/پرائمری اینڈ سیکنڈ ری ہیلتھ کئیرپنجاب نے کورونا وائرس ویکسین لگوانے کی تازہ ترین صورتحال جاری کردی ہے۔
جس میں بتایا گیا ہے کہ پنجاب میں تاحال ایک لاکھ90ہزار205ہیلتھ ورکرزکی ویکسی نیشن ہوچکی ہے جبکہ ایک لاکھ24ہزار810ہیلتھ ورکرزکوپہلی65ہزار395کودوسری ڈوزلگ چکی ہے۔
پرائمری اینڈسیکنڈری ہیلتھ پنجاب کا کہنا تھا کہ 2لاکھ50ہزار467شہریوں کوویکسین لگ چکی ہے جبکہ 2لاکھ22ہزار751شہریوں کو پہلی اور 27 ہزار716 کو دوسری ڈوزدی جاچکی ہے، تاحال صرف 60 سال سےزائدعمر افراد کو ہی ویکسین لگائی جا رہی ہے۔
