شہد اصلی ہے یا نقلی؟ یہ جاننا آسان بھی ہے اور اس کی دل چسپ نشانیاں بھی ہیں۔
انگلی پر چپکنا
شہد کو انگلیوں میں لے کر ہلکا سا رگڑیں اگر شہد انگلیوں پر چپک جاتا ہے تو اس کا مطلب ہے کہ وہ نقلی ہے اور اگر نہیں چپکتا تو اس کا مطلب ہے اصلی شہد ہے۔
جار کو ہلائیں
شہد قدرتی طور پر گاڑھا ہوتا ہے، شہد کے جار کو ہلائیں اگر شہد جار کے ایک طرف سے دوسری طرف جانے میں تھوڑا وقت لگائے تو اس کا مطلب ہے کہ یہ اصلی ہے، جب کہ نقلی شہد بہت ہلکا ہوتا ہے اور بہ آسانی ایک طرف سے دوسری طرف چلا جاتا ہے۔
پھولوں کی خوش بو
شہد چوں کہ پھولوں سے بنتا ہے لہٰذا اس میں سے پھولوں کی خوش بو آتی ہے، شہد کو کئی بار گرم کر کے ٹھنڈا کریں، یہ عمل کرنے سے اصلی شہد کی خوش بو میں فرق آ جائے گا، جب کہ نقلی شہد میں کوئی خوش بو نہیں ہوتی۔
پانی میں ڈالیں
اصلی شہد پانی میں آسانی سے حل نہیں ہوتا، ایک گلاس پانی میں ایک چمچا شہد ڈالیں اور ہلائیں، یہ گلاس کی تہہ میں بیٹھ جائے گا، جب کہ نقلی شہد بغیر ہلائے پانی میں حل ہو جائے گا۔
ماچس کی تیلی
شہد کو ماچس کی تیلی کے سرے پر لگائیں اور پھر اسے کسی دوسری تیلی کی مدد سے جلائیں، اگر شہد اصلی ہوگا تو تیلی جل جائے گی، لیکن اگر شہد نقلی ہوگا تو تیلی نہیں جلے گی، کیوں کہ اصلی شہد کبھی بھی موئسچرائزر خارج نہیں کرتا، اور نقلی شہد کے موئسچرائزر خارج کرنے کی وجہ سے تیلی گیلی ہو جائے گی اور نہیں جلے گی۔
