روسی صدر ولادیمیر پیوٹن کا کہنا ہے کہ ٹرمپ نے انہیں بتایا کہ یوکرین مذاکرات کا حصہ بنے گا۔
روسی میڈیا کی طرف سے رپورٹ کردہ بیانات میں روسی صدر نے کہا ہے کہ ماسکو یوکرین پر مذاکرات میں واپس آنے کے لیے تیار ہے۔
انہوں نے مزید کہا کہ امریکی وفد نے گزشتہ روز سعودی عرب میں اپنے روسی ہم منصبوں کے ساتھ ملاقات میں "بغیر جانبداری یا فیصلے کے” کام کیا اور یہ کہ بات چیت کا مقصد اعتماد پیدا کرنا تھا۔
پیوٹن نے یہ بھی کہا کہ امریکا اور روس کو مذاکرات میں ثالث کی ضرورت نہیں ہے، جبکہ ٹرمپ نے ان سے کہا کہ یوکرین کسی بھی مذاکرات کا حصہ ہوگا۔
یہ واضح نہیں ہے کہ آیا یہ گزشتہ ہفتے دونوں رہنماؤں کی ملاقات کے دوران ہوا تھا یا یہ پیغام وفد کے ذریعے پہنچایا گیا تھا۔
یوکرین کے صدر زیلنسکی نے کہا ہے کہ یوکرین جنگ سے متعلق روس کے کسی بھی الٹی میٹم کو نہیں مانا جائے گا۔ کیف اپنی شمولیت کے بغیر جنگ بندی سے متعلق کسی بھی معاہدے پر دستخط کرنے سے انکار کر دے گا۔
واضح رہے کہ یوکرینی صدر نے ریاض میں جنگ بندی کیلئے روس امریکا مذاکرات کو مسترد کر دیا۔
اُنہوں نے سعودی عرب کا دورہ ملتوی کر دیا ہے جہا امریکا اور روس کے وزرائے خارجہ اعلیٰ سفارتی وفد کے ہمراہ یوکرین جنگ کے خاتمے کے لیے مذاکرات کر رہے ہیں۔
