ماسکو: روسی صدر ولادیمیر پیوٹن نے پولینڈ پر علاقائی عزائم رکھنے کا الزام عائد کرتے ہوئے سنگین نتائج کی دھمکی دیدی۔
روسی صدر ولادیمیر پیوٹن نے پولینڈ پر علاقائی عزائم رکھنے کا الزام عائد کرتے ہوئے خبردار کیا ہے کہ روس کے پڑوسی اور قریبی اتحادی بیلاروس کے خلاف کسی بھی جارحیت کو روس پر حملہ تصور کیا جائے گا۔
غیر ملکی خبر رساں ایجنسی ’رائٹرز‘ کے مطابق سیکیورٹی کونسل کے اجلاس سے خطاب کرتے ہوئے روسی صدر ولادیمیر پیوٹن نے کہا کہ روس، بیلاروس کے خلاف کسی بھی جارحیت کو برداشت نہیں کرے گا۔
- Advertisement -
پولینڈکی جانب سے بیلاروس کی سرحد پر فوج بھیجنے پر سخت ردَ عمل دیتے ہوئے پیوٹن بولے کہ روس بیلاروس کے دفاع کے لیے تمام ذرائع استعمال کرے گا۔
روسی صدر پیوٹن نے روسی سلامتی کونسل کے اجلاس میں کہا کہ مغرب یوکرین کی حمایت کر کے جنگ کے شعلے بھڑکا رہا ہے۔
