جمعرات, مئی 23, 2024
اشتہار

عمران خان کی عدم گرفتاری پر قادر مندوخیل رانا ثنا اللہ اور آئی جی پنجاب پر برہم

اشتہار

حیرت انگیز

پاکستان پیپلز پارٹی کے رکن قومی اسمبلی قادر مندوخیل نے زمان پارک آپریشن میں ناکامی پر وفاقی وزیر داخلہ رانا ثنا اللہ اور آئی جی پنجاب ڈاکٹر عثمان انور پر اظہار برہمی کر دیا۔

اے آر وائی نیوز کے پروگرام ’اعتراض ہے‘ میں قادر مندوخیل نے آئی جی پنجاب سے مستعفی ہونے کا مطالبہ کرتے ہوئے انہیں جھوٹا اور نااہل قرار دے دیا۔

قادر مندوخیل نے کہا کہ آئی جی پنجاب گلگت بلتستان پولیس سے متعلق بالکل جھوٹ بول رہے ہیں انہیں فوری طور پر مستعفی ہونا چاہیے، وہ لاکھوں روپے تنخواہ اور مراعات لے رہے ہیں۔

- Advertisement -

پی پی رہنما نے کہا کہ پولیس پر حملے ہو رہے ہیں اور آئی جی سو رہے تھے، انہیں فوری طور پر عہدے سے ہٹا دینا چاہیے، ان کو نہیں معلوم تھا کہ زمان پارک میں کیا ہو رہا ہے۔

انہوں نے کہا کہ میرا وفاقی وزیر داخلہ رانا ثنا اللہ سے بھی شکوہ ہے کہ ایک شخص ان سے گرفتار نہیں ہو سکا، یہ ہمارے وزیر داخلہ ہیں جو ایک شخص کو گرفتار نہیں کروا سکے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں