The news is by your side.

Advertisement

سابق وزیراعلیٰ سندھ نے ضمانت قبل ازگرفتاری کے لیےعدالت سے رجوع کرلیا

کراچی : سابق وزیراعلیٰ سندھ قائم علی شاہ نے سندھ ہائی کورٹ میں ضمانت قبل ازوقت گرفتاری کی درخواست دائر کردی۔

تفصیلات کے مطابق ملیرندی کی اراضی غیرقانونی الاٹ کرنے کے کیس میں نیب کی جانب سے کال اپ نوٹس موصول ہونے کے بعد سابق وزیراعلیٰ سندھ نے سندھ ہائی کورٹ میں ضمانت قبل ازوقت گرفتاری کی درخواست دائر کردی۔

قائم علی شاہ کی جانب سے درخواست میں موقف اختیار کیا گیا ہے کہ نیب نے 18 دسمبر کو کال اپ نوٹس بھیجا ہے، انہوں نے کہا کہ ملیر ندی کی اراضی کی الاٹمنٹ کرنے کے بعد منسوخ بھی کردی تھی۔

سابق وزیراعلیٰ سندھ نے کہا کہ نیب کی جانب سے کال اپ نوٹس بھیجنا سیاسی انتقام کے مترداف ہے، نیب پیپلزپارٹی کو سیاسی انتقام کا نشانہ بنا رہا ہے۔

قائم علی شاہ نے درخواست میں عدالت سے استدعا کی کہ نیب کے کال اپ نوٹس کو کالعدم قرار دیا جائے اور ساتھ ہی نیب کوگرفتاری سے روکا جائے۔

سابق وزیراعلیٰ سندھ قائم علی شاہ کی ضمانت قبل ازگرفتاری منظور

یاد رہے کہ گزشتہ ماہ سندھ ہائی کورٹ نے سابق وزیراعلیٰ سندھ قائم علی شاہ کی 10 لاکھ روپے کے عوض ضمانت قبل ازگرفتاری منظور کرتے ہوئے انہیں نیب انکوائری میں تعاون کی بھی ہدایت کی تھی۔

Comments

comments

یہ بھی پڑھیں