کوئٹہ: قلات میں دو مسافر بسوں میں خوفناک تصادم کے نتیجے میں چھ افراد جاں بحق اور بیس سے زائدمسافر زخمی ہوگئے۔
تفصیلات کے مطابق قلات میں دو مسافر بسیں ٹکرا گئیں ، جس کے نتیجے میں چھ افراد جاں بحق اور بیس سے زائدمسافر زخمی ہوگئے۔
ٹریفک حادثہ قلات میں ریج کے مقام پر پیش آیا، حادثے کے بعد ڈی ایچ کیو قلات میں ایمرجنسی نافذ کر دی گئی اور پندرہ زخمیوں کوڈی ایچ کیواسپتال منتقل کردیاگیا، ہے۔
ایک بس کراچی سے کوئٹہ اور دوسری کوئٹہ سے کراچی جارہی تھی۔
گذشتہ ماہ بھی قومی شاہراہ پر افسوسناک حادثہ پیش آیا تھا، جہاں ٹریلراور کارمیں تصادم کے نتیجے میں کار سوار چار افراد جاں بحق ہوگئے تھے۔
ریسکیو حکام نے بتایا تھا کہ حادثہ قلات کے علاقے سنگداس میں تیز رفتاری کےباعث پیش آیا، جہاں ٹوڈی کار مخالف سمت سے آنے والے ٹرالرسےٹکرا گئی۔
