لاہور: مسلم لیگ ن کی رہنما مریم نواز کے شوہر کیپٹن (ر) صفدر اعوان نے سابق آرمی چیف جنرل قمر جاوید باجوہ پر تنقید کردی۔
اے آر وائی نیوز کے مطابق کیپٹن (ر) صفدر اعوان نے کہا کہ آپ دبئی میں مہنگی شاپنگ کے مزے کررہے ہیں سفید سونا خریدا جارہا ہے اور عوام مہنگائی میں مر رہے ہیں، آپ ریٹائرڈ جنرل ہیں اور میں ریٹائرڈ کیپٹن فرق کوئی بھی نہیں ہے۔
انہوں نے کہا کہ ’خدا کے لیے واپس آؤ کیا ملک کو لوٹنا ہی مقصود تھا۔‘
کیپٹن (ر) صفدر نے اعوان کہا کہ ’جنرل باجوہ کو چیف آف آرمی اسٹاف آئین نے تین سال کے لیے بنایا تھا پھر انہوں نے بازو مروڑ کر چھ سال کرلیے آج وہ دبئی میں انجوائے کررہے ہیں اور میں عدالتوں میں کھڑا ہوں، باجوہ صاحب ابھی آپ کو آنا پڑے گا۔
کیپٹن (ر) صفدر نے فیض حمید کا نام ای سی ایل میں ڈالنے کا مطالبہ بھی کیا اور کہا کہ پاناما کے مجرموں ججوں کو کٹہرے میں لایا جائے، قمر باجوہ اور ثاقب نثار ملک کی تباہی کے نمبر ون ذمہ دار ہیں۔
