ملتان قندیل بلوچ قتل کیس کے تیسرے ملزم عبدالباسط کو پولی گرافک ٹیسٹ کیلئے لاہور روانہ کر دیا گیا ہے۔
تفصیلات کےمطابق پولیس نے قندیل بلوچ قتل کیس میں گرفتار تیسرے ملزم عبدالباسط کا پولی گرافک ٹیسٹ حاصل کرنے کا فیصلہ کیا ہے جس کے لیے اسے لاہور منتقل کرد یا گیا ہے۔
واضح رہے کہ ملزم عبدالباسط مرکزی ملزمان وسیم اور حق نواز کو ڈی جی خان سے ٹیکسی پر ملتان لایا تھا اوراسی کی ٹیکسی میں وسیم اور حق نواز واپس گئے تھے۔
یہ خبر پڑھیں : ماڈل قندیل بلوچ کو قتل کر دیا گیا
میڈیا پر قندیل بلوچ کے قتل ہونے کی خبریں چلنے کے بعد ملزم ٹیکسی ڈرائیور عبدالباسط نے خود کو پالیس کے حوالے کردیا تھا،تفتیشکے دوران اُس نے قتل میں ملوث ہونے کی تردید کرتے ہوئے کہا تھا کہ اُس نے صرف مسافروں کو آنے جانے کی سہولت مہیا کی باقی قتل کے حوالے سے نہ تو اسے کوئی پیشگی اطلاع تھی نہ ہی وہ منصوبے کا حصہ ہے۔
یہ بھی پڑھیں : قندیل کو قتل کرنے پر کوئی شرمندگی نہیں، بھائی گرفتار،جرم کا اعتراف
ملزم عبدالباسط کی جانب سے یہ موقف اپنانے کے بعد پولیس نے ملزم کا پولی گرافک ٹیست کروانے کا فیصلہ کیا ہے جس کے بعد ملزم کو لاہور پہنچادیا گیا ہے تا کہ اس کے بیان کی سچا یا جھوٹا ہونے کی تصدیق کی جا سکے۔
واضح رہے معروف ماڈل قندیل بلوچ کے قتل مین اس کا سگا بھائی وسیم اور اس کا ساتھی حق نواز پہلے ہی پولیس کی تحویل میں ہیں۔
