The news is by your side.

Advertisement

چترال میں چار روزہ تاریخی ققلشت میلے کا اختتام

چترال: خیبر پختون خوا کے ضلع چترال میں تاریخی جشن ققلشت اختتام کو پہنچ گیا، ہزاروں مقامی اور علاقائی سیاحوں نے چار روز پر مشتمل میلے میں شرکت کی۔

تفصیلات کے مطابق چترال میں ہر سال منعقد ہونے والے چار روزہ ققلشت میلے کا اختتام ہو گیا ہے، کے پی حکومت کا کہنا ہے کہ اگلے سال اس میلے کو زیادہ وسیع سطح پر منعقد کیا جائے گا۔

ققلشت فیسٹیول بلند ترین اور خوب صورت ترین علاقے چترال میں دو ہزار سال سے زائد عرصے سے منعقد ہوتا آ رہا ہے۔

میلے میں مختلف قسم کے کھیلوں پر مبنی سرگرمیاں دیکھنے کو ملتی ہیں، ملک بھر سے اور غیر ملکی سیاح بھی اس میلے کو دیکھنے آتے ہیں۔

خیال رہے کہ پاکستان تحریک انصاف کی حکومت نے پاکستان کی خوب صورتی کے پیش نظر سیاحتی مقامات پر خصوصی توجہ مرکوز کر رکھی ہے۔

چترال میں ققلشت میلا خیبر پختون خوا حکومت کے تحت 18 سے 21 اپریل کو منعقد کیا گیا۔

اس میلے میں پولو، خصوصی افراد کے کھیل، ثقافتی کھانوں کے اسٹالز، ثقافتی شوز، رسہ کشی، شوٹنگ، میراتھن ریس، والی بال، راک کلمبنگ، کرکٹ، فٹ بال، تیر اندازی، باز شکار، ہاکی اور موسیقی نائٹ سمیت پیرا گلائیڈنگ، زِپ لائننگ، مشاعرہ اور دیگر سرگرمیوں کا انعقاد کیا جاتا ہے۔

Comments

comments

یہ بھی پڑھیں