site
stats
اہم ترین

قومی اسمبلی نے وفاقی بجٹ دوہزارسولہ سترہ کی منظوری دیدی

اسلام آباد : قومی اسمبلی نے وفاقی بجٹ دوہزار سولہ سترہ کی منظوری دیدی، مالیاتی بل کی منظوری کثرت رائے سے ہوئی، جس کے بعد اراکین اسمبلی کی تنخواہوں اور مراعات میں اضافے کے لیے راہ ہموار ہوگئی ہے۔

تفصیلات کے مطابق قومی اسمبلی میں نئے مالی سال کا اڑتالیس کھرب سے زائد کا وفاقی بجٹ منظور کرلیا۔ ساتھ ہی چوالیس کھرب کے مالیاتی بل دو ہزار سولہ کی بھی کثرت رائے سے منظوری دے دی۔

قومی اسمبلی میں مالی سال دو ہزار پندرہ سولہ کے ضمنی بجٹ کی شق وار منظوری کا عمل شروع ہوگیا ہے، اراکین پارلیمنٹ کی تنخواہوں اور مراعات کے معاملے کو فنانس بل میں شامل کر دیا گیا ہے۔

جس کے بعد اب حکومت چار آرڈیننس لانے یا قانون بنانے کی بجائے نوٹیفیکشن کے ذریعے اضافہ کرسکے گی۔ وفاقی وزیر خزانہ اسحاق ڈار نے اراکین پارلیمنٹ کو تنخواہوں میں اضافے کی نوید دیتے ہوئے کہا کہ حکومت نے اراکین پارلیمنٹ اور وزرا کی تنخواہوں میں اضافے کا فیصلہ کرلیاہے۔

اسحاق ڈار کا کہنا ہے کہ وزیرا عظم کی واپسی پراسپیکر، ڈپٹی اسپیکر، چیئرمین و ڈپٹی چیئرمین سینیٹ، وزراء اور اراکین پارلیمنٹ کی تنخواہوں میں اضافہ ہوگا۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top