اسلام آباد : مشیر خارجہ سرتاج عزیز کا کہنا ہے پاکستان افغان مفاہمتی عمل کی حمایت کرتاہے ۔
اسلام آباد میں افغانستان میں امن اورمفاہمتی عمل کےلیےچار رکنی گروپ کے اجلاس سے خطاب میں ان کا کہنا تھا کہ امید ہے طالبان سے مذاکرات کے طریقہ کار کے لئے چارملکی گروپ توجہ دے گا، گروپ کی کوشش ہے کہ طالبان کو مذاکرات پر رضا مندکرے ۔
سرتاج عزیز نے کہا ہے کہ پاکستان افغان مفاہمتی عمل کی بھرپورحمایت کرتاہے،افغان حکومت کی امن کیلئے مفاہمتی کوششوں کوسراہتے ہیں پائیدارامن اوراستحکام کیلئےملکرکام کرناچاہتےہیں۔
مشیر خارجہ نے کہا کہ کوشش ہےطالبان گروپوں کومذاکرات پرآمادہ کریں سیاسی مفاہمت افغانستان میں امن کیلئے اہمیت کی حامل ہے،مذاکرات کی کامیابی کیلئےفریقین کاپرعزم ہوناضروری ہے توقع ہے4رکنی گروپ طالبان سےمذاکرات کےطریقہ کارپرتوجہ دےگا۔
سرتاج عزیز امید ظاہر کی ک آج کےاجلاس میں روڈ میپ کوحتمی شکل دے دی جائے گی مذاکرات کی کامیابی کیلئے پرتشدد کارروائیوں کو روکنا ہوگا،افغانستان کےعوام نےجنگ میں بہت مشکلات اٹھائی ہیں ۔