The news is by your side.

عمان : پینے کے پانی کے معیار پر کمپنی کی وضاحت

مسقط: عمان کی واٹر اینڈ ویسٹ واٹر سروس کمپنی نے پانی کے معیار کے حوالے سے سوشل میڈیا پر گردش کرنے والی ویڈیوز پر وضاحتی بیان جاری کیا ہے۔

ٹائمز آف عمان کے مطابق کمپنی کا کہنا ہے کہ کمپنی کی جانب سے صارفین کو فراہم کیا گیا پانی عمان میں طے کردہ ان معیارات کے عین مطابق ہے، جو کھلے پانی کے لیے طے کیے گئے ہیں۔

کمپنی کا کہنا ہے کہ ان کی ماہرین کی ٹیم ایک بار پھر پانی کے معیار کو چیک کرنے کے لیے تمام ضروری اقدامات بروئے کار لارہی ہے۔

علاوہ ازیں کمپنی نے واٹر کنکشن کی فیسیلیٹیز اور گھروں میں پانی چیک کروانے کا بھی یقین دلایا ہے۔

کمپنی کی جانب سے صارفین کو تجویز دی گئی ہے کہ وہ گھروں میں موجود واٹر ٹینک کی بھی وقتاً فوقتاً صفائی کرواتے رہیں۔

Comments

یہ بھی پڑھیں