اردن کی ہاشمی بادشاہت کی 25ویں سالگرہ کی پروقار تقریب میں ملکہ رانیا، شہزادی رجوہ اور دیگر شہزادیوں کے ملبوسات نے دھوم مچادی تصاویر سوشل میڈیا پر وائرل ہوگئیں۔
غیر ملکی خبر رساں ادارے کی رپورٹ کے مطابق گزشتہ روز اردن کے شاہی خاندان نے اپنے آئینی اختیارات سنبھالنے کے بعد شاہ عبداللہ دوم کی سلور جوبلی کے موقع پر منعقدہ قومی تقریب میں شرکت کی۔
اس موقع پر ملکہ رانیا اپنی خوبصورتی اور مخصوص لباس کی وجہ سے منفرد دکھائی دے رہی تھیں، انہوں نے اپنے ورثے کے مطابق اس انداز کا جوڑا پہن رکھا تھا جو ان کی خوبصورتی میں مزید چار چاند لگا رہا تھا۔
ملکہ رانیا کے سفید لباس کے اوپر سرمئی رنگ کے کپڑے سے سجا ہوا پیٹرن تھا، بٹن اردن کے سات نکاتی ستارے کی نمائندگی کر رہے تھے ۔
مکئی کے پھولوں کی شکل میں کڑھائی تھی جو کثرت اور خوشحالی کی نمائندگی کر رہی تھی۔ اس لباس پر کام کرنے میں تقریباً 200 گھنٹے لگے اور ملکہ رانیا نے اسے تاج اور ہیرے کی بالیوں سے مکمل کیا۔
اس کے علاوہ اردن کی شہزادی رجوۃ الحسین جن کا تعلق سعودی عرب سے ہے، نے شاہ عبداللہ کی بادشاہت کی سلور جوبلی تقریبات میں اپنے شوہر ولی عہد حسین کے ہمراہ شرکت کی۔
اس پروقار تقریب میں شہزادی رجوۃ الحسین بھی اپنی مثال آپ تھیں ان کے سرح رنگ کے خوبصورت لباس نے سب کی توجہ حاصل کرلی،
انہوں نے سعودی ڈیزائنر ھنیدہ الصیرفی کا ڈیزائن کردہ ہاتھ کی کڑھائی والا سرخ رنگ کا خوبصورت گاؤن زیب تن کر رکھا تھا۔
ایک سال قبل شہزادی رجوۃ الحسین نے شادی سے قبل اپنی مہندی کی تقریب میں بھی سعودی ڈیزائنر ھنیدہ الصیرفی کا ڈیزائن کردہ گاؤن پہنا تھا۔
ھنیدہ برانڈ کی انسٹاگرام پر پوسٹ میں کہا گیا ہے کہ ہمیں شہزادی رجوۃ الحسین کے لیے شاندار انداز کا لباس تیار کرنے پر فخر ہے۔
View this post on Instagram
یاد رہے کہ گزشتہ ہفتے شہزادی رجوۃ کی پہلی سرکاری تصاویر جاری کی گئی تھیں جن میں وہ امید سے نظر آرہی تھیں۔
