The news is by your side.

Advertisement

کوئٹہ : تیز رفتار کار بے قابو ہو کر دکان میں جا گھسی ،چار افراد جاں بحق ،ایک زخمی

خضدار : کوئٹہ تا کراچی قومی شاہراہ پر تیز رفتار کار ڈرائیور سے بے قابو ہو کر دکان سے جا ٹکرائی، حادثے میں چار افراد جاں بحق ایک زخمی ہو گیا۔

تفصیلات کے مطابقتفصیلات کے مطابق کوئٹہ سے کراچی جانے والی کار باغبانہ کے مقام پر تیز رفتاری کے باعث ڈرائیور سے بے قابو ہو کر بند دکان میں جا گھسی۔

جس کے نتیجے میں ڈرائیور سمیت چار افراد غلام حسن ،محمد حسن ،سردار گل اور مستری صادق جاں بحق اور مصری خان شدید زخمی ہو گیا، لیویز نے جاں بحق اور زخمی کو گورنمنٹ ٹیچنگ ہسپتال خضدار پہنچایا۔

پولیس نے  ضروری کارروائی کے بعد نعشوں کو ورثاء کے حوالے کر دیا ، جبکہ زخمی  ہونے والے شخص کو طبی امداد پہنچانے کے بعد تشویشناک حالت میں کراچی روانہ دیا گیا۔

واضح رہے کہ قومی شاہراہ این 25 پر ضلع سکندر آباد سے خضدار لسبیلہ تک موٹر وے پولیس تعینات نہیں ہے جس کے باعث اس سیکشن پر ڈرائیور اکثر تیز رفتاری کرتے ہیں اور حادثات کا باعث بنتے ہیں۔

اس سیکشن پر ریشو زیادہ ہے عوامی حلقوں نے مطالبہ کیا ہے کہ ضلع شہید سکندر آباد سے لے کر ضلع لسبیلہ تک موٹر وے پولیس کی تعیناتی عمل میں لائی جائے تا کہ تیز رفتاری پر قابو پانے کے لئے اقدامات کئے جاسکیں اور مسافروں کی جان بجانے میں مدد مل جائے۔

Comments

comments

یہ بھی پڑھیں