کوئٹہ : بلوچستان میں دہشت گردی کی واردات میں ایک پولیس اہلکار زخمی ہوگیا، نامعلوم شخص سول لائن تھانے پردستی بم پھینک کر فرار ہوگیا۔
تفصیلات کے مطابق کوئٹہ کے سول لائن تھانے پر عید کے تیسرے روز نامعلوم موٹر سائیکل سواروں نے بے نظیر پل سے دستی بم پھینکا جو تھانے کے اندر مین گیٹ کے قریب گر کر زور دار دھماکے سے پھٹ گیا۔
سی سی ٹی وی فوٹیج میں حملہ آور کو پل پر سے دستی بم پھینکتے دیکھا جاسکتا ہے، دھماکے کے بعد آگ کا شعلہ بھڑکتا ہوا بھی نظر آرہا ہے، حملہ آور کے فرار ہونے کے بعد پولیس نے علاقے کو گھیرے میں لے لیا۔
- Advertisement -
اطلاع ملتے ہی پولیس، سی ٹی ڈی اور بم ڈسپوزل اسکواڈ نے جائے وقوعہ پر پہنچ کر علاقے کو گھیرے میں لے لیا۔
تھانے پر کیے جانے والے دستی بم حملے میں ایک پولیس اہلکار عبدالصبور اچکزئی زخمی ہوگیا،جسے طبی امداد کیلئے سول اسپتال منتقل کردیا گیا۔
