چینی کی قیمتوں میں ہوشربا اضافہ

کوئٹہ: صوبے میں چینی کی قیمتوں میں ایک ہفتے کے دوران ہوشربا اضافہ ریکارڈ کیا گیا ہے۔

تفصیلات کے مطابق مہنگائی سے پریشان عوام کے لیے چینی کی فی کلو قیمت مزید مہنگی کردی گئی، کوئٹہ میں چینی کی فی کلو قیمت 135 روپے سے بڑھ کر 175 روپے تک پہنچ گئی۔

مارکیٹ ذرائع کا بتانا ہے کہ ہول سیل ماریکٹ میں چینی 160 روپے فی کلو ہوگئی، 50 کلو چینی کی بوری 6 ہزار 500 سے بڑھ کر 8 ہزار روپے ہوئی۔

چینی ڈیلرز نے اس حوالے سے یہ مؤقف اپنایا کہ مل سے چینی مہنگی مل رہی ہے جس کی وجہ سے قیمت میں اضافہ کیا گیا۔

Comments