سابق بھارتی ہیڈ کوچ و کپتان راہول ڈریوڈ کی گاڑی ٹریفک حادثے کا شکار ہوگئی، جس کی ویڈیو سوشل میڈیا پر گردش کررہی ہے۔
سابق بھارتی ہیڈ کوچ و کپتان راہول ڈریوڈ کی ایک ویڈیو سوشل میڈیا پلیٹ فارمز پر وائرل ہورہی ہے جس میں ڈریوڈ کو سڑک پر جھگڑا کرتے دیکھا جاسکتا ہے۔
بھارتی میڈیا کا کہنا ہے کہ سابق کپتان کی گاڑی کو حادثہ بنگلورو کے مصروف علاقے کننگھم روڈ پر پیش آیا۔
مبینہ طور پر آٹو ڈرائیور نے پیچھے سے گاڑی کو ہٹ کیا، جب وہ ٹریفک میں پھنسے ہوئے تھے تاہم یہ واضح نہیں ہوسکا کہ گاڑی خود سابق کرکٹر چلارہے تھے یا ان کا ڈرائیور۔
View this post on Instagram
سابق بھارتی ہیڈکوچ اپنی گاڑی کو ٹکر لگنے کے بعد طیش میں آگئے، تاہم ابھی تک مذکورہ واقعہ کا مقدمہ درج نہیں ہوسکا ہے۔
دکن ہیرالڈ نے اپنی رپورٹ میں کہا کہ سابق کرکٹر نے جائے حادثہ سے جانے سے قبل آٹو ڈرائیور کا فون نمبر اور آٹو کا رجسٹریشن نمبر لے لیا ہے۔
یاد رہے کہ بھارتی کرکٹ ٹیم کو ورلڈکپ جتوانے والے سابق کوچ ڈریوڈ نے بی سی سی آئی سے کروڑوں کا بونس لینے سے صاف انکار کردیا تھا۔
سبکدوش ہونے والے کوچ ڈریوڈ نے بھارتی کرکٹ بورڈ کی جانب سے اضافی ڈھائی کروڑ بونس کی آفر ٹھکرادی تھی، بھارت کے ٹی ٹوئنٹی ورلڈ کپ جیتنے کے بعد بی سی سی آئی چاہتا تھا کہ انھیں بھی ٹیم کے پلیئنگ اسکواڈ کے ممبروں کے برابر 5 کروڑ کی رقم دی جائے۔
چیمپئنز ٹرافی سے قبل آسٹریلیا کے لئے بری خبر
تاہم ڈریوڈ نے ڈھائی کروڑ کی اضافی رقم بطور بونس لینے سے انکار کرتے ہوئے کہا کہ وہ بھی اتنی ہی رقم چاہتے ہیں جتنا کہ دیگر کوچز اور سپورٹ اسٹاف کو بونس دیا گیا ہے۔
