مسجد الحرام میں بارش کے دوران زائرین طواف اور عبادت میں مصروف رہے، اس دوران روح مناظر دیکھنے کو ملے جس کی ویڈیو بھی منظر عام پر آگئی۔
غیر ملکی ذرائع ابلاغ کے مطابق سعودی عرب میں مکہ، مدینہ اور دیگر علاقوں میں بدھ کو موسلاد دھار بارشیں ہوئیں، جس کے سبب متعدد سڑکیں زیر آب آگئیں۔
عمرہ زائرین بارش کے دوران مسجد الحرام میں طواف اور عبادت میں مصروف رہے۔ تیز بارش کے دوران زائرین نے دعائیں مانگیں۔
#فيديو
أمطار #الحرم_المكي ️
.
تصوير: عبدالعزيز الثبيتي pic.twitter.com/ynyXUSPeob— إمارة منطقة مكة المكرمة (@makkahregion) December 27, 2023
حرمین شریفین انتظامیہ کی جانب سے مسجد الحرام کی خدمت پر مامور متعدد سرکاری اداروں کے تعاون سے مسجد الحرام میں بارش کے مسائل سے نمٹنے کے لیے ہنگامی اسکیموں پر عمل درآمد جاری ہے۔
حرمین شریفین انتظامیہ کی کوشش ہے کہ بارش کے دوران مطاف، نماز کے مقامات، داخلی راستوں پر فوری طور پر پانی کی نکاسی اور فرش خشک کیے جانے کو یقینی بنایا جائے، انتظامیہ عبادت کے دوران زائرین کی سلامتی کو یقینی بنانے کے لئے پرعزم ہے۔
