The news is by your side.

Advertisement

بارش کو کئی گھنٹے گزر گئے، پانی سڑکوں پر تاحال موجود

کراچی : گزشتہ روز بارش کے بعد کئی علاقوں سے نکاسی نہیں ہوسکی، بارش کا پانی گھروں میں موجود تاحال موجود ہے، اہم شاہراہوں پر برساتی پانی کے باعث ٹریفک کی روانی انتہائی سست ہے۔

تفصیلات کے مطابق کراچی میں گزشتہ روز ہونے والی موسلادھار بارش کے بعد شہر کی صورتحال بدستور پہلے جیسی ہے، پچھلی بارش کی طرح کئی علاقوں سے برساتی پانی نکالا نہیں جاسکا۔

اس حوالے سے ذرائع کا کہنا ہے کہ شارع فیصل اور دیگراہم شاہراہوں سے برساتی پانی نکال لیا گیا ہے، گجر نالے کا پانی اطراف کی گلیوں میں تاحال کھڑا ہے، مختلف علاقوں میں بارش اور سیوریج کا پانی جمع ہے، سٹی ریلوے کالونی میں جگہ جگہ گندگی کے ڈھیر لگ گئے،۔

نیوکراچی،سرجانی، نارتھ ناظم آباد میں نکاسی نہیں ہوسکی، سہراب گوٹھ پل اور شفیق موڑ کے قریب بارش کا پانی موجود ہے، ہاکس بےروڈ پر گلبائی سے ماری پور تک صورتحال بدترین ہوگئی۔

تباہ حال ہاکس بےروڈ پر رہی سہی کسر بارش نے نکال دی، ہاکس بےروڈ پر گڑہوں، جگہ جگہ پانی کھڑا ہونے سے ٹریفک کی روانی متاثر ہورہی ہے۔

اس کے علاوہ کراچی کے مختلف علاقوں میں بارش کا پانی گھروں میں موجود ہے، گھروں کے اندر اور باہر برساتی پانی سے
معمولات زندگی شدید متاثر ہو رہی ہے، نکاسی نہ ہونے سے بفرزون سیکٹر 15 کے مکین پریشانی میں مبتلا ہوگئے۔

شہریوں کا  کہنا ہے کہ گھروں میں پانی داخل ہونے کے باعث سارا سامان خراب ہوگیا، نکاسی آب کے لیے انتظامیہ سے اب تک کوئی نہیں آیا۔

ذرائع کے مطابق شہری اپنی مدد آپ کےتحت گھروں سے پانی نکالنے لگے، شہری گھروں میں موجود سامان کو بھی منتقل کرنے
لگے۔

Comments

یہ بھی پڑھیں