The news is by your side.

Advertisement

مانچسٹر میں بھی شدید بارشوں کے باعث متعدد علاقے زیر آب

مانچسٹر: برطانیہ کے شمال مغربی شہر مانچسٹر کو بھی شدید بارشوں نے لپیٹ میں لے لیا ہے، شہر میں بارشوں کے باعث متعدد علاقے زیر آب آ گئے ہیں۔

تفصیلات کے مطابق برطانوی شہر مانچسٹر میں گزشتہ روز سے اب تک 60 ملی میٹر بارش ریکارڈ کی گئی ہے، جس کے بعد شہر سیلابی صورت حال کی زد پر ہے۔

شہر میں ریلوے لائن زیر آب آنے سے ٹرینوں کی آمد و رفت معطل ہو گئی ہے، موٹر وے اور مرکزی شاہراہوں پر بھی پانی جمع ہو چکا ہے جس کی وجہ سے ٹریفک کا نظام درہم برہم ہو گیا ہے۔

دوسری طرف محکمہ موسمیات کی جانب سے مزید بارش کی پیش گوئی بھی کی گئی ہے۔

یہ بھی پڑھیں:  برطانیہ، دوسرے درجے کی موسمیاتی وارننگ جاری

شہریوں کو اس حوالے سے بھی خبردار کیا گیا ہے کہ مزید شدید بارشوں میں وہ بجلی کی بندش کے لیے بھی تیار رہیں، جب کہ سیلابی صورت حال بھی ان کی مشکلات میں مزید اضافہ کر سکتی ہے۔

محکمہ موسمیات نے برطانیہ کے متعدد شہروں میں شدید بارشوں کی پیش گوئی کی ہے، یہ بھی کہا گیا ہے کہ طوفان برق و باراں سے مسائل شدید ہو سکتے ہیں۔

بتایا گیا ہے کہ مانچسٹر میں تقریبآ آدھے مہینے کی بارش چوبیس گھنٹے میں برسی ہے جس کے باعث بہت سارے گھر اور کاروباری مراکز پانی میں ڈوب چکے ہیں۔

حکام کی جانب سے کئی علاقوں میں اب تک متعدد بار سیلاب کی وارننگ بھی جاری کی جا چکی ہے۔

Comments

comments

یہ بھی پڑھیں