رائے پور: بھارتی ریاست چھتیس گڑھ میں ایک نوجوان لڑکی کو جنونی شخص نے چھرا گھونپ کر زخمی کیا اور پھر بالوں سے پکڑ کر سڑک پر گھسیٹا۔
بھارتی میڈیا کے مطابق چھتیس گڑھ کے شہر رائے پور میں ایک 16 سالہ لڑکی کو ایک شخص نے چھرا گھونپا اور بالوں سے گھسیٹا، اس واقعے کی ویڈیو وائرل ہونے پر پولیس نے اومکار تیواری نامی شخص کو گرفتار کر لیا۔
پولیس حکام کے مطابق لڑکی رائے پور کے گدھیاری علاقے میں اومکار تیواری کی گروسری شاپ پر کام کرتی تھی، اومکار لڑکی سے شادی کرنا چاہتا تھا لیکن اس نے انکار کر دیا اور نوکری چھوڑ دی، تاہم یہ بھی کہا جا رہا ہے کہ ان میں رقم کا تنازعہ تھا۔
ویڈیو وائرل ہونے پر پولیس نے 47 سالہ اومکار تیواری کو گرفتار کر لیا، اور اسے ہتھکڑی پہنا کر اور کان پکڑوا کر سڑکوں پر اس کا جلوس نکلوایا۔
This is from #Raipur, #Chhattisgarh.
A 47 year old #OmkarTiwari stabs a 16 year old minor girl & drags her on the road while the public watches it in horror.
The girl who was working for a grocery shop run by Omkar. The girl had quit her job & demanded her money from him. pic.twitter.com/oJBLmkO0AE
— Hate Detector 🔍 (@HateDetectors) February 19, 2023
ویڈیو میں دیکھا جا سکتا ہے کہ بری طرح سے زخمی 16 سالہ لڑکی کو ایک شخص گھسیٹ کر لے جا رہا ہے، جس نے ایک ہاتھ میں چھرا پکڑا ہوا ہے اور دوسرے سے لڑکی کے سر کے بال جکڑے ہوئے ہیں۔
#Update: Omkar Tiwari, who stabbed a 16 year old minor girl & drags her on the road is arrested overnight. During the day, the police tied him with a rope, held him by the ear and took him out in a procession in the city.#Chhattisgarh #Raipur #OmkarTiwari https://t.co/R7smU130bG pic.twitter.com/GICBBd2LhZ
— Hate Detector 🔍 (@HateDetectors) February 20, 2023
پولیس کے مطابق ہفتے کی شام اومکار تیواری مبینہ طور پر نشے میں تھا، وہ لڑکی کے گھر میں گھسا تھا اور گھر والوں پر چیخ چلانے کے بعد اس نے لڑکی پر چاقو سے حملہ کر کے اس کی گردن زخمی کی، جب اس نے بھاگنے کی کوشش کی تو تیواری نے اس کا پیچھا کیا اور اسے بالوں سے گھسیٹا۔