The news is by your side.

Advertisement

رکن قومی اسمبلی عامر لیاقت کی پارٹی رکنیت ختم کی جائے،پی ٹی آئی رہنما کی درخواست

کراچی : پی ٹی آئی سندھ کے نائب صدر و رکن سندھ اسمبلی راجہ اظہر نے رکن قومی اسمبلی عامر لیاقت کی پارٹی رکنیت ختم کرنے کی درخواست کردی۔

تفصیلات کے مطابق پاکستان تحریک انصاف کے رہنما راجہ اظہر نے پارٹی کے سیکرٹری جنرل اسد عمر کو خط لکھا ، جس میں درخواست کی ہے کہ رکن قومی اسمبلی عامر لیاقت کی پارٹی رکنیت ختم کی جائے۔

راجہ اظہر کا کہنا تھا کہ عامر لیاقت حسین کی سوشل میڈیا پر ویڈیوز کیخلاف پارٹی قیادت ایکشن لے، انھوں نے اپنے بیانات اور ویڈیوز میں بانی ایم کیو ایم سے یکجہتی ظاہر کی۔

خط میں کہا گیا کہ عامر لیاقت پی ٹی آئی کے درمیان رہتےہوئےپارٹی کونقصان پہنچارہےہیں، ان کی نامناسب حرکات اور ناشائستہ زبان سے ورکرز خوش نہیں۔

پی ٹی آئی رہنما نے کہا کہ عامر لیاقت سے پارٹی قیادت اب سختی سے نمٹے۔

Comments

یہ بھی پڑھیں