فیصل آباد : تحریک انصاف کے منحرف رہنما راجہ ریاض نے آئندہ الیکشن این اے 110 سے ن لیگ کی ٹکٹ سے لڑنے کا اعلان کر دیا۔
تفصیلات کے مطابق پاکستان تحریک انصاف کے منحرف رکن راجہ ریاض نے آئندہ الیکشن این اے110 ن لیگ کی ٹکٹ سے لڑنے کا اعلان کرتے ہوئے کہا اس وقت سب کی نظریں سپریم کورٹ کےفیصلے پرلگی ہیں۔
راجہ ریاض کا کہنا تھا کہ جہانگیر ترین 10 اپریل کو واپس آرہے ہیں ، نوازشریف ڈاکٹرکی اجازت ملتےہی واپس آجائیں گے۔
واضح رہے کہ تحریک عدم اعتماد سے قبل سندھ ہاؤس میں چھپے پی ٹی آئی کے ارکان اسمبلی سامنے آگئے جن میں خواتین بھی شامل ہیں، راجا ریاض، نواب شیرو سیر، نور عالم خان، باسط بخاری سمیت 27 ارکان کی جانب سے سندھ ہاؤس میں پناہ لی گئی تھی۔
راجہ ریاض نے کہا تھا کہ میرا عمران خان، جہانگیر ترین سے ڈھائی سال سے اختلاف تھا، صحیح وقت کا انتظار کررہا تھا، الیکشن آنے پر مسلم لیگ ن سے ٹکٹ لوں گا۔
تحریک انصاف کے ناراض رکن کا کہنا تھا کہ ہم ووٹ ڈال کر استعفیٰ دیں گے اور دوبارہ الیکشن لڑیں گے۔
