بھارتی فلموں کے معروف اداکار رجنی کانت کو بھی بھارتی بورڈ کی جانب سے ورلڈکپ میچز دیکھنے کے لیے گولڈن ٹکٹ پیش کردیا گیا۔

بی سی سی آئی کے آفیشل سوشل میڈیا پیج پر رجنی کانت کو ورلڈکپ کا گولڈن ٹکٹ دینے کے حوالے سے مداحوں کا آگاہ کیا گیا، شیئر کی گئی تصویر میں جے شاہ تامل فلموں کے بے تاج بادشاہ کو ٹکٹ دیتے ہوئے نظر آرہے ہیں۔

پوسٹ میں کے رجنی کانت کے حوالے سے اظہار خیال کرتے ہوئے لکھا گیا کہ ’’لیجنڈری رجنی کانت اپنی بے مثال اداکاری کے باعث زبان اور کلچرل سے بالاتر ہوکر کروڑوں دلوں پر راج کرتے ہیں۔‘‘

ہم یہ اعلان کرتے ہوئے نہایت پرجوش ہیں کہ ’تھالائیوا‘ورلڈ کپ 2023 کے مقابلے خصوصی مہمان کی حیثیت سے دیکھیں گے۔

رجنی کانت کو اعزازی ٹکٹ بی سی سی آئی کے اعزازی سیکریٹری اورایشین کرکٹ کونسل کے سربراہ جے شاہ نے خود پیش کیا۔ اس سے قبل بالی ووڈ میگا اسٹار امیتابھ بچن کو بھی گولڈ ٹکٹ پرورلڈکپ میچز دیکھنے کے لیے مدعو کیا جاچکا ہے۔

https://twitter.com/BCCI/status/1704038875625095315?ref_src=twsrc%5Etfw%7Ctwcamp%5Etweetembed%7Ctwterm%5E1704038875625095315%7Ctwgr%5E6eecdd719339e1d5a42c1a9e3141616684706718%7Ctwcon%5Es1_c10&ref_url=https%3A%2F%2Ftracktollywood.com%2Fbcci-presented-the-golden-ticket-to-rajinikanth-for-the-world-cup%2F

آئی سی سی ورلڈ کپ کا آغاز 5 اکتوبر سے بھارت میں ہوگا جب کہ پاکستان اپنا پہلا میچ 6 اکتوبر کو ہالینڈ کے خلاف کھیلے گا۔ روایتی حریف 14 اکتوبر کو احمد آباد میں ٹکرائیں‌ گے۔