نئی دہلی: بالی ووڈ کے معروف اداکار راج کمار راؤ نے انکشاف کیا کہ وہ اپنی آنجہانی والدہ کی یاد میں ہر جمعہ کو وَرت رکھتے ہیں۔
بالی ووڈ کے معروف اداکار راج کمار راؤ ان دنوں فلم مسٹر اینڈ مسز ماہی کی تشہیر میں مصروف ہیں، انہوں نے حال ہی میں انہیں اپنی آنجہانی والدہ سے ملنے والی وراثت سے متعلو گفتگو کی ہے۔
اداکار نے انکشاف کیا کہ وہ اپنی آنجہانی والدہ سے متاثر ہو کر ہر جمعہ کو وَرت رکھتے ہیں، یہ وہ چیز ہے جو میری ماں ’سنتوشی ماتا‘ کے لیے کرتی ہے، جب میں 16 سال کا تھا تو میں نے تب سے ہی ان کی پیروی شروع کردی تھی۔
اداکار راج کمار راؤ کی پہلی کمائی کتنی تھی؟
اداکار نے انکشاف کیا کہ 16 سال کی عمر سے ہی یہ میری زندگی کا ایک حصہ رہا ہے، میں اپنی ماں کی یاد میں سخت شیڈول کے درمیان بھی وَرت رکھنے کی کوشش کرتا ہوں۔
View this post on Instagram
واضح رہے کہ راج کمار کی والدہ کمل یادیو کا انتقال 2016 میں ہوا تھا، داکار نے 2021 میں اپنی شادی کی ایک تصویر شیئر کی تھی، جس میں وہ اپنی آنجہانی والدہ کی تصویر کے سامنے بیٹھے اور اس پر بوسہ دیتے ہوئے نظر آ رہے ہیں۔
تصویر شیئر کرتے ہوئے اداکار نے لکھا تھا کہ ’’آپ ہمیشہ اس دنیا کی بہترین ماں رہیں گی، میں جانتا ہوں کہ آپ کی مہربانیاں ہمیشہ میرے ساتھ رہتی ہیں، مجھے ہر روز آپ کی یاد آتی ہے، میں آپ سے بہت محبت کرتا ہوں۔
