دبئی: کورونا وائرس سے نمٹنے کے لیے بنائی گئی سپریم کمیٹی نے کہا ہے کہ دعوت افطار میں فیملی اور رشتہ داروں کے زیادہ سے زیادہ 5 افراد کو بلانے کی اجازت ہوگی۔
گورنمنٹ آف دبئی کے آفیشل میڈیا آفس ٹوئٹر اکاؤنٹ پر سپریم کمیٹی نے رمضان المبارک کے حوالے سے قوانیں اور ضوابط کے حوالے سے لوگوں کو آگاہ کیا اور ان کے سوالوں کے جواب دیے۔
شیئر ہونے والی ویڈیو میں دعوت افطار پر مدعو کیے جانے والے افراد کی تعداد سے متعلق سوال کے جواب میں کہا گیا بہترین تو یہ ہے کہ اس سے اجتناب کیا جائے تاہم زیادہ سے زیاہ فیملی یا رشتہ داروں کے 5 افراد کو افطار پر بلانے کی اجازت ہوگی۔
The Supreme Committee of Crisis and Disaster Management announces a partial reduction in the restrictions on movement in the emirate starting from Friday 24 April. pic.twitter.com/4sy3K2uJ8E
— Dubai Media Office (@DXBMediaOffice) April 23, 2020
امارات میں فیس ماسک ہر فرد کو پہننا لازم ہے تاہم دستانے آپشنل ہیں، کوئی سا بھی فیس ماسک استعمال کیا جا سکتا ہے چاہے وہ میڈیکل ہو یا کوئی اور لیکن بغیر ماسک والے شخص کو ایک ہزار درہم جرمانہ کیا جائے گا۔
سپریم کمیٹی نے کہا کہ آپ لوگ سپر مارکیٹس اور شاپنگ مالز جاسکتے ہیں جب کہ میٹرو صبح 7 سے رات 11 تک چلی گی، بسیں اور ٹیکسیاں معمول کے انداز میں رواں دواں رہیں گی۔
