ماہ رمضان المبارک کی آمد کے موقع پر امریکی صدر جو بائیڈن کی جانب سے مسلمانوں کو مبارکباد پیش کی گئی ہے۔
غیر ملکی ذرائع ابلاغ کے مطابق امریکی صدر کا اپنے پیغام میں کہنا تھا کہ رمضان المبارک کا چاند نظر آنے کے بعد مقدس ماہ کا آغاز ہوگیا ہے۔
جو بائیڈن نے مزید کہا کہ جل بائیڈن اور میری جانب سے امریکا اور دنیا بھر میں مسلمانوں کیلئے مبارکباد اور دعائیں۔
دوسری جانب امریکا کے معروف مصنف اور نسل پرستی کے خلاف آواز بلند کرنے والے انسانی حقوق کے رکن جیفری شان کنگ اور ان کی اہلیہ رائے کنگ رمضان کی پہلی شب میں دائرہ اسلام میں داخل ہوگئے۔
امریکا میں مقیم پروفیسر خالد بیدون نے انسٹاگرام پر لائیو ویڈیو شیئر کی جس میں امریکی مسلم اسکالر امام عمر سلیمان شان کنگ اور ان کی اہلیہ اسلام قبول کررہے ہیں۔
نیتن یاہو کی اہلیہ نے امیرِ قطر کی والدہ سے کیا درخواست کی؟
امریکا کے معروف مصنف شان کنگ ناصرف ایک لکھاری بلکہ نسل پرستی کے خلاف ہمیشہ آواز اُٹھاتے رہے ہیں، وہ ڈیموکریٹک پارٹی سے وابستہ تحریکوں کی حمایت کے لیے شہرت رکھتے ہیں۔
