The news is by your side.

Advertisement

سحری کیلئے کونسی غذائیں فائدے مند ہیں؟

رمضان المبارک میں روزے داروں میں بعض غلط غذائی عادات ہوتی ہیں جو روزے کے دوران میں ان کے لیے تھکن اور دیگر بہت سے مشکلات کا سبب بنتی ہیں۔ یہ عادات انسانی صحت پر منفی طور سے اثر انداز ہو سکتی ہیں۔ 

طبی ماہرین کا ماننا ہے کہ جس طرح روز مرہ کے دنوں میں باقاعدگی سے ناشتہ کرنا ہمارے دن کا سب سے اہم کھانا ہوتا ہے، اسی طرح جب رمضان کی بات آتی ہے تو سحری سب سے اہم کھانا ہوتا ہے۔

یہ بہت ضروری ہے کہ آپ سحری میں پیٹ بھرنے والا غذائیت سے بھرپور کھانا کھائیں جو آپ کو دن بھر کے طویل روزے کے دوران مکمل طور پر تقویت دیتا رہے۔

اگر آپ سحری میں کھائے جانے والے کھانے کو عمدگی سے استعمال نہیں کرتے ہیں تو آپ دن کے کسی بھی حصے میں اپنی توانائی کھو دیں گے۔

یہاں کچھ ایسے کھانوں کی فہرست ترتیب دی گئی ہے جو سحری میں کھانا انتہائی ضروری ہیں تاکہ آپ کا روزہ بہتر گزرے اور آپ کو روزے کی حالت میں کمزوری کا احساس نہ ہو۔

دہی کا استعمال

دہی سحری کے لیے طاقت سے بھرپور ایک اہم جز ہے، پروٹین کی طاقت سے مالا مال دہی کا پیالہ سحری میں کھانے سے آپ کو دن بھر پیاس نہیں لگتی اور یہ آپ کو چاق و چوبند بھی رکھتا ہے، سحری میں دہی کھانا روزے کے طویل دن کی تیاری کا بہترین طریقہ ہے

جو کا دلیہ

جَو کا دلیہ سحری کے لیے ایک صحت مند اور پروٹین سے بھرپور غذا ہے جو آپ کو دن بھر توانائی فراہم کرتا رہے گا، یہ کم محنت کے ساتھ بنانے میں بہت آسان ہیں اور آپ کی ترجیح کے مطابق دودھ یا پانی کے ساتھ لیے جا سکتے ہیں۔

انڈا پراٹھا

انڈا پراٹھا پروٹین اور صحت مند فیٹس کا ایک بہترین مجموعہ ہے جو نہ صرف آپ کا پیٹ بھرتا ہے بلکہ اپ کو بھر پور توانائی بھی فراہم کرتا ہے جو دن بھر کے طویل روزے میں آپ کو چست اور توانا رکھنے میں مددگار ثابت ہوتا ہے۔

اسمودی (شیک)

سحری کے وقت اپنے پسندیدہ پھلوں کی صحت مند اور خوش ذائقہ اسمودی بنائیں، اس کے ایک بڑے گلاس سے بھر پور لطف اٹھائیں اور دن بھر چاق و چوبند اور توانا رہیں۔

Comments

یہ بھی پڑھیں