The news is by your side.

’عوام نے عمران خان کی کال کو مسترد کردیا‘

اسلام آباد: وفاقی وزیر برائے داخلہ رانا ثنا اللہ نے کا کہنا ہے کہ عوام کو پی ٹی آئی کے فتنہ اور انتشارکی حمایت حاصل نہیں ہے ان کی مہم جوئی اور عمران خان کی کال کو عوام نے مسترد کردیا ہے۔

اے آر وائی نیوز کے مطابق وزیر داخلہ رانا ثنا اللہ نے میڈیا سے گفتگو کرتے ہوئے کہا کہ ملکی عوام کو پی ٹی آئی کے فتنہ اور انتشار کی حایت حاصل نہیں ہے۔

انہوں نے کہا کہ عوام رواداری، عزت اور احترام کی سیاست پریقین رکھتے ہیں دو روز سے پولیس کی پروٹیکشن اور صوبائی حکومتوں کی ایما پر سڑکیں بلاک کی گئیں۔

عمران خان پر حملے کیخلاف کارکنان سراپا احتجاج، فیض آباد میں مظاہرین پر پولیس کی شیلنگ

وزیر داخلہ نے کہا کہ سڑکیں بند ہونے سے عوام انتہائی مشکلات کا شکار ہیں، قومی شاہراہ کو بند کرنا قابل مذمت اور باعث شرم ہے۔

رانا ثنا اللہ نے مزید کہا کہ پی ٹی آئی اپنی فسطائی سیاست کی ناکامی کا غصہ عوام پر ڈال رہی ہے۔

واضح رہے کہ سابق وزیراعظم عمران خان پر قاتلانہ حملے کے خلاف ملک بھر میں پی ٹی آئی کارکنان کی جانب سے احتجاج جاری ہے، فیض آباد میں احتجاجی مظاہرین پولیس کی جانب سے شیلنگ کی گئی ہے جبکہ کراچی کے علاقے نمائش چورنگی اور لاہور کے 8 مقامات پر بھی مظاہرین سراپا احتجاج ہیں۔

Comments

یہ بھی پڑھیں