The news is by your side.

Advertisement

عمران خان مرد بن کررائے ونڈ میں دھرنا دیں، رانا ثناءاللہ

لاہور : پنجاب کے وزیرقانون رانا ثناءاللہ نے چیئر مین پی ٹی آئی عمران خان کو چیلنج کرتے ہوئے کہا ہے کہ عمران خان اپنی زبان پر قائم رہیں، مرد کے بچے بنیں اور چوبیس اپریل کو رائے ونڈ کا گھیراؤ کرکے دکھائیں۔

ان خیالات کا اظہار انہوں نے لاہور میں صحافیوں سے گفتگو کرتے ہوئے کیا، رانا ثناءاللہ نے کہا کہ عمران خان کا پاناما لیکس کےمعاملے پر شور شرابا اپنی پارٹی میں ہونے والی خلفشارسے توجہ ہٹانےکیلئے ہے۔

ان کا کہنا تھا کہ سب کااحتساب ہوگا۔ اپنےکرتوت چھپاکر واویلا کرنےسےکچھ نہیں ہوگا۔ رانا ثناءاللہ دھیمے سروں میں بڑی بات کہہ گئے۔

ان کا کہنا تھا کہ عمران خان نے جس دن رائے ونڈ کا گھیراؤ کیا اسی دن ان کی سیاست کا جنازہ نکل جائے گا۔ میڈیا سے گفتگو کے دوران رانا ثنا اللہ خان نے کہا کہ عمران خان خودنمائی کے زعم میں مبتلا ہیں، وہ پنجاب کی روایات سے واقف نہیں ۔

رانا ثناء اللہ خان نے عمران خان کو چیلنج کرتے ہوئے کہا کہ اب مرد کے بچے بننا ، 24 تاریخ کو کوئی نیا ڈرامہ کرنے کی بجائے رائیونڈ میں دھرنا دینا۔

عمران خان  نے میاں نواز شریف کے گھر کا گھیراؤ کا فیصلہ کیا ہے تو وہ اس سے فرار اختیار کرنے کی بجائے اس پر قائم بھی رہیں۔ ڈی چوک پر دھرنا دینا، مال روڈ اور سیاسی مخالفین کے گھر کے سامنے احتجاج کرنا مختلف باتیں ہیں۔

 

Print Friendly, PDF & Email

Comments

comments

یہ بھی پڑھیں