تازہ ترین

’دھمکیوں سے کوئی تاریخ نہیں ملے گی‘

وفاقی وزیر برائے داخلہ رانا ثنا اللہ کا کہنا ہے کہ عمران خان کو دھمکیوں سے کوئی تاریخ نہیں ملے گی۔

اے آر وائی نیوز کے مطابق وفاقی وزیر برائے داخلہ رانا ثنا اللہ نے تحریک انصاف کے چیئرمین عمران خان کے بیان پر ردعمل دیتے ہوئے کہا کہ عمران خان کو جو چھلانگ لگانی ہے لگالیں لیکن دھمکیوں سے انہیں کوئی تاریخ نہیں ملے گی۔

رانا ثنا اللہ نے کہا کہ ’یہ 2014 سے ہر بات پر دھمکی دیتے ہیں میں آرہا ہوں، میں اسلام آباد بند کردوں گا لیکن اب تم نے جو چھلانگ لگانی ہے لگالو۔

دوسری جانب وفاقی وزیر خواجہ سعد رفیق نے کہا کہ چار حکومتوں کا حکمران انسمبلیاں توڑںا چاہتے ہے تو توڑ دے ہم رکاوٹ نہیں بنیں گے۔

انہوں نے کہا کہ عمران خان! اسمبلیاں توڑنے سے بے آسرا ہم نہیں ہوں گے آپ ہوجائیں گے۔

واضح رہے کہ اس سے قبل پی ٹی آئی چیئرمین اور سابق وزیراعظم عمران خان کا کہنا تھا کہ اسی ماہ اسمبلیاں توڑ کر الیکشن کی طرف جائیں گے، الیکشن کی تاریخ دینے پر بات چیت کرنا چاہیں تو ہم تیار ہیں۔

ان کا کہنا تھا کہ دو اسمبلیوں کو تحلیل کرنے کا مقصد 66فیصد ملک میں الیکشن ہوگا، میں نے کل سمجھانے کی کوشش کی لیکن شاید غلط پیغام چلا گیا، انتخابات جب بھی ہوں پی ٹی آئی نے جیتنا ہے۔

Comments

- Advertisement -