17.1 C
Ashburn
ہفتہ, مئی 25, 2024
اشتہار

مولانا فضل الرحمان کے تحفظات درست ہیں: راناثنااللہ

اشتہار

حیرت انگیز

مسلم لیگ ن کے رہنما رانا ثنا اللہ کا کہنا ہے مولانا فضل الرحمان کے تحفظات سے سو فیصد متفق ہیں، ان کو کھونا نہیں چاہتے، معاملات حل کرلیں گے۔

تفصیلات کے مطابق مسلم لیگ ن کے رہنما رانا ثنا اللہ نے میڈیا سے گفتگو میں کہا ہے کہ مولانافضل الرحمان سے بات چیت جاری ہے، فضل الرحمان کے الزامات ہوں یا کسی اور کے انکوائری ہونی چاہے، تحقیق سے قبل تو الزام الزام ہی ہے۔

رہنما ن لیگ راناثنااللہ کا کہنا تھا کہ کوئی کہتاہے کے پی میں مینڈیٹ چرایا گیا تو وہاں چرانے والا کوئی اور ہے، پنجاب میں اگر مینڈیٹ چرایا گیا ہے تو وہاں کوئی اور ہے؟ پنجاب میں ہم پر سندھ اوربلوچستان میں کسی اور پر الزام ہے۔

- Advertisement -

فضل الرحمان کا صدر ، وزیر اعظم، اسپیکر اور ڈپٹی اسپیکر کے انتخابی عمل کے بائیکاٹ کا اعلان

انہوں نے کہا کہ دھاندلی الزامات کی تحقیقات کیلئے کمیشن کا فیصلہ پارلیمنٹ کرے گی، فضل الرحمان سے کل اسپیکر، ڈپٹی اسپیکر کیلئے حمایت کی درخواست کی، دیکھیں آج مولانافضل الرحمان صاحب آتے ہیں یا نہیں ان کے تحفظات حقیقی ہیں ہم ان کے مؤقف سے 100 فیصد متفق ہیں۔

راناثنااللہ نے مزید کہا کہ ہم مولاناصاحب کو کھونا نہیں چاہتے، فضل الرحمان نے ہماری پہلے بھی رہنمائی کی امید ہے اب بھی کرینگے۔

خیال رہے کہ گزشتہ روز مولانا فضل الرحمان کا کہنا تھا کہ ہم ووٹ کا حق استعمال نہیں کریں گے، اپوزیشن میں بیٹھیں گے، جے یو آئی وزیراعظم، اسپیکر اور ڈپٹی اسپیکر کے الیکشن میں شریک نہیں ہو گی۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں