اسلام آباد : وفاقی وزیرداخلہ راناثنااللہ کا کہنا ہے کہ عمران خان کو گرفتار کرنا ہو تو یہ برگر روک نہیں سکتے، عمران خان کوجب چاہے گرفتار کرلیں گے۔

تفصیلات کے مطابق وفاقی وزیر داخلہ رانا ثنااللہ نے اپنے بیان میں کہا کہ عمران خان کوگرفتارکرنا کوئی مشکل کام نہیں، جب چاہیں گے گرفتار کرلیں گے۔

راناثناء اللہ کا کہنا تھا کہ عمران خان کو گرفتار کرنا ہوتا تو کارکن رکاوٹ نہیں بن سکتے، اسلام آباد پولیس عدالت کاحکم لےکر پہنچی۔

وفاقی وزیر داخلہ نے کہا کہ عمران خان جو قاتلانہ حملے کی کہانی بیان کررہاہے وہ جھوٹ ہے، عمران خان عدالتوں میں پیش نہ ہونے کے بہانے ڈھونڈ رہا ہے۔

ان کا مزید کہنا تھا کہ الیکشن عمران خان کی ضد پورا کرنے کیلئے نہیں ہونا چاہیے، اس فتنےکومزید فتنہ پھیلانےکاموقع ملےایساالیکشن نہیں ہونا چاہیے۔

Comments