The news is by your side.

پی ٹی آئی کو 25 مئی سے بہتر ڈیل کرینگے، رانا ثنااللہ کی دھمکی

اسلام آباد: وفاقی وزیر داخلہ رانا ثنااللہ کا کہنا ہے کہ خان صاحب تیاری پکڑ رہے ہیں اور ہم نے تیاری کر لی ہے، پچیس مئی سے بہتر ڈیل کریں گے۔

تفصیلات کے مطابق پارلیمنٹ ہاؤس میں میڈیا سے گفتگو کے دوران وفاقی وزیر داخلہ نے پی ٹی آئی کو دھمکی دیتے ہوئے کہا کہ خان صاحب ابھی تیاری پکڑرہے ہیں اور ہم نےتیاری کرلی ہے،پچیس مئی کو جو پی ٹی آئی کے ساتھ کیا اس سے بہتر کریں گے۔

انہوں نے کہا کہ آنسوگیس اورربڑ کی گولیوں کو مؤثر کرنے کیلئے نئی ٹیکنالوجی سےاستفادہ حاصل کیا جاسکتا ہے۔

رانا ثنااللہ نے کہا کہ اسلام آباد کی مناسب سیکیورٹی کے لئے پنجاب اور خیبرپختونخوا پولیس کے لئے صوبوں کو خط لکھ دیا ہے، اگر ان دونوں صوبوں نے پولیس وفاقی حکومت کو نہیں بھیجی تو قانون کے مطابق صوبوں کے خلاف کارروائی کریں گے۔

یہ بھی پڑھیں: کچھ ہفتوں بعد عمران خان وزیراعظم حلف اٹھانے جارہے ہیں، فیصل جاوید کا دعویٰ

وفاقی وزیر داخلہ کا کہنا تھا کہ وفاقی حکومت کے پاس ایف سی اور رینجرز فورسز موجود ہیں۔

پارلیمنٹ ہاؤس میں گفتگو کے دوران پوچھے گئے سوال پر وفاقی وزیر داخلہ کا کہنا تھا کہ ہماری سیکورٹی فورسز اس قابل ہیں کہ سوات میں امن قائم رکھ سکیں، کسی کو گھبرانے کی ضرورت نہیں ہے۔

Comments

یہ بھی پڑھیں