The news is by your side.

Advertisement

رنبیر اور عالیہ کی شادی پھر ملتوی، نئے گھر کی ویڈیو وائرل

بھارتی فلم انڈسٹری کے نوجوان اداکار رنبیر کپور اور خوبرو اداکارہ عالیہ بھٹ بہت جلد ایک دوسرے سے رشتہ ازدواج میں منسلک ہوجائیں گے، تاہم ابھی تک تاریخ کا حتمی تعین نہیں ہوسکا۔

اس حوالے سے عالیہ بھٹ کے سوتیلے بھائی راہول بھٹ نے تصدیق کی ہے کہ شادی 14 اپریل کو نہیں ہورہی۔ دوسری جانب سوشل میڈیا پر صارفین اپنے پسندیدہ فنکاروں کی اس خوشی کے موقع پر انہیں مبارکباد بھی دے رہے ہیں۔

شادی کے بعد یہ دونوں میاں بیوی کس گھر میں اپنی نئی زندگی کا آغاز کریں گے اس سلسلے میں ان کے مداحوں میں کافی جوش وخروش بھی پایا جارہا ہے۔

سوشل میڈیا پر ایک ویڈیو وائرل ہو رہی ہے جس کے بارے میں کہا جا رہا ہے کہ شادی کے بعد رنبیر اور عالیہ اس گھر میں رہیں گے۔

اسی دوران بالی ووڈ کی معروف جوڑی اداکار رنبیرکپور اور عالیہ بھٹ کے نئے گھر کی ویڈیو بھی سوشل میڈیا پر وائرل ہو رہی ہے۔

ہندوستان ٹائمز کی رپورٹ کے مطابق راہول بھٹ کا کہنا ہے کہ عالیہ اور رنبیر کی شادی 14 تاریخ کو نہیں ہورہی اور نہ ہی 13 اپریل کو کسی قسم کی کوئی تقریب رکھی گئی ہے۔

راہول بھٹ کی جانب سے میڈیا کو بتایا گیا کہ ‘شادی ملتوی کرنے کی وجہ تاریخ کا میڈیا میں لیک ہونا ہے، اسی وجہ سے اہلخانہ نے سکیورٹی وجوہات کی بنا پر شادی کو آگے بڑھا دیا ہے’۔

عالیہ کے بھائی نے کہا کہ ‘یہ بات سب کے علم میں ہے کہ شادی ہورہی ہے لیکن جو تاریخیں میڈیا پر زیر گردش ہیں ان پر اب شادی نہیں ہوگی، میری بات اپنے پاس لکھ لیں، 14 اور 13 کو شادی کی کوئی تقریب نہیں ہے، ہمارے خاندان پر بہت دباؤ ہے لہٰذا شادی کی تاریخ نہیں بتاسکتے۔

سوشل میڈیا کے مختلف پیجز پر رنبیر کپور کے اس گھر کی وائرل ویڈیو میں دیکھا جاسکتا ہے کہ زیرِ تعمیر عمارت کو ایل ای ڈی لائٹس لگا کر سجایا گیا ہے جبکہ گانے بھی بجائے جا رہے ہیں۔

ذرائع کے مطابق رنبیر اور عالیہ شادی کے بعد اس نئے گھر (آر کے ہاؤس) میں منتقل ہوجائیں گے۔

قبل ازیں عالیہ بھٹ کے چچا رابن بھٹ نے میڈیا سے بات کرتے ہوئے شادی کی تاریخ طے پا جانے کی تصدیق کرتے ہوئے کہا تھا کہ عالیہ اور رنبیر14 اپریل کو شادی کے بندھن میں بندھ جائیں گے۔

شادی کا استقبالیہ پانچ دنوں پر مبنی ہوگا اور یہ 18 اپریل تک جاری رہے گا۔ شادی کی رسومات آر کے ہاؤس میں ہوں گی۔

Comments

یہ بھی پڑھیں