بولی وڈ اداکار رنبیر کپور نوجوانوں کے پسندیدہ اداکار تو ہیں ہی لیکن وہ میمز ایکسپرٹ بھی بن گئے ان کی معروف اداکاروں کی نقلیں اتارنے کی ویڈیو وائرل ہوگئی۔
نوجوان دلوں کی دھڑکن بالی ووڈ اداکار رنبیر کپور بہترین اداکار تو ہیں ہی اور کیوں نہ ہوں کہ یہ فن انہیں ورثے میں ملا ہے۔ پردادا سے لے کر باپ تک سب اپنے اپنے دور کے نامور اداکار رہے ہیں لیکن رنبیر میمز ایکسپرٹ بھی ہوگئے ہیں اور لوگوں کی بہت اچھے انداز میں نقتلیں اتار لیتے ہیں یہ اس وقت پتہ چلا جب انہوں نے معروف اداکاروں کی نقلیں اتارنے پر مبنی ویڈیو بنا کر سوشل میڈیا پر اپ لوڈ کی اور وہ دیکھتے ہی دیکھتے وائرل ہوگئی۔
رنبیر کپور کی یہ ساری کاوشیں اپنی نئی آنے والی فلم ’’تو جھوٹی میں مکار‘‘ کی پروموشن کے لیے ہے جو عنقریب سینماؤں کی زینت بننے والی ہے۔
فوٹو اور ویڈیو کی شیئرنگ ایپ انسٹا گرام پر پوسٹ کی گئی ویڈیو میں رنبیر کپور نے ہالی وڈ اداکار رامی ملک کی ’ہیکرمین‘ سے لے کر نامور اداکار ناناپاٹیکر کی فلم ’ ویلکم ‘ کے مقبول عام ڈائیلاگ ’ کنٹرول ادے کنٹرول‘ پر بھی میم بناڈالی۔
صرف اتنا ہی نہیں اس مذاق میں انہوں نے اپنی اہلیہ عالیہ بھٹ اور خود کو بھی نہیں بخشا۔ عالیہ کی فلم ’’رازی‘‘ کے مشہور ڈائیلاگ ’’مجھے گھر جانا ہے‘‘ کے عالیہ کی طرح روتے ہوئے سین کو اسی انداز میں کاپی کیا اس کے ساتھ ہی انہوں نے اپنی مشہور فلموں کے سینز کی بھی نقل اتاری۔
View this post on Instagram
اداکار کی یہ مزاحیہ ویڈیو بہت پسند کی جارہی ہے اور انٹرنیٹ کے صارفین اس پر دل چسپ تبصرے بھی کر رہے ہیں۔