ممبئی: بالی ووڈ کے معروف اداکار رنبیر کپور کے موبائل پر لگے وال پیپر کی تصویر لیک ہوگئی۔
بھارتی میڈیا رپورٹس کے مطابق گزشتہ روز اداکار رنبیر کپور اپنی دوست اداکارہ عالیہ بھٹ کے ہمراہ ایئرپورٹ پر نظر آئے جہاں فوٹو گرافرز نے دونوں کی کئی تصاویر کھینچیں۔
اداکاروں کی فوٹو گرافی کے دوران کیمرے کی آنکھ میں رنبیر کے موبائل کے وال پیپر پر لگی تصویر کا عکس محفوظ ہوگیا۔
رنبیر کپور نے اپنے آنجہانی والد رشی کپور کی ایک یادگار تصویر بطور وال پیپر موبائل پر لگا رکھی ہے۔
اداکار کے وال پیپر کو دیکھ کر کئی مداح جذباتی ہوگئے اور رشی کپور کو یاد کرتے ہوئے ان کے لیے دعائیہ کلمات ادا کیے۔
View this post on Instagram
واضح رہے کہ لیجنڈری اداکار رشی کپور کا انتقال 30 اپریل 2020 کو ہوا تھا۔
یاد رہے کہ بالی ووڈ کے آنجہانی اداکار رشی کپور کی آخری فلم ’شرما جی نمکین‘ کا ٹریلر گزشتہ دنوں جاری کیا گیا تھا، جس میں ان کا نصف کردار پریش راول ادا کرتے دکھائی دیں گے۔
بالی ووڈ کی تاریخ میں ایسا پہلی بار ہونے جا رہا ہے کہ کسی ایک کردار کو دو مختلف اداکار ادا کرتے دکھائی دیں گے۔
شرما جی نمکین کی شوٹنگ کے دوران رشی کپور اپریل 2020 میں کینسر کے باعث چل بسے تھے، جس کے بعد ان کا بقیہ کردار پریش راول نے شوٹ کروایا تھا۔