ممبئی: بالی ووڈ کے معروف اداکار رنبیر کپور نے اپنے والد رشی کپور سے پٹائی کھانے کا اہم انکشاف کیا ہے۔
حالی ہی میں ’دی گریٹ انڈین کپل شرما شو‘ کی پہلی قسط میں بالی ووڈ اداکار رنبیر کپور نے والدہ نیتو سنگھ اور بہن ردھیما کپور کے ساتھ شرکت کی جہاں انہوں نے اپنے آنجہانی والد سے متعلق گفتگو کی۔
اداکار رنبیر کپور نے بتایا کہ ’مجھے یاد ہے میں مندر میں چوتوں سمیت داخل ہوگیا تھا جس کے بعد میرے والد نے زندگی میں صرف ایک مرتبہ میری سخت پٹائی کی تھی۔
رنبیر کپور نے اس پٹائی کی وضاحت دیتے ہوئے کہا کہ ’پاپا بہت زیادہ مذہبی تھے ، آٹھ یا نو سال کی عمر میں ، میں چپل پہن کر مندر کے اندر چلا گیا تھا جس کے بعد میری خوب شامت آئی تھی۔
باکس آفس پر دھوم مچانے والی فلم اینیمل کے اداکار رنبیر نے یہ بھی کہا کہ’ مجھے بچپن میں اپنی والدہ سے مار پڑی ہے، ایک مرتبہ انہوں نے مجھے ہینگر سے بھی مارا تھا۔
