The news is by your side.

غیر قانونی طور پر سندھ میں داخل ہونے والے 122 افغان شہری گرفتار

کراچی: رینجرز اور پولیس نےغیر قانونی طور پر سندھ میں داخل ہونے والے 122 افغان شہریوں کو گرفتار کرلیا۔

تفصیلات کے مطابق کراچی میں رینجرز اور پولیس نے افغان باشندوں کے خلاف بڑا ایکشن کیا ، جس میں غیر قانونی طور پر سندھ میں داخل ہونے والے 122 افغان شہریوں کو گرفتار کرلیا۔

ترجمان رینجرز نے بتایا کہ افغان باشندے بلوچستان سے سندھ میں داخل ہو رہےتھے ، بائیومیٹرک چیکنگ میں تمام افرادکی پاکستانی شہریت ثابت نہ ہوسکی۔

حکام کا کہنا تھا کہ شناختی کاغذات کی تصدیق نہ ہونےپرگرفتاری عمل میں لائی گئی، مجموعی طور پر 89 مرد، 20 بچے اور 14 خواتین کو گرفتار کیا گیا۔

رینجرز کے مطابق تمام افرادکوافغانستان منتقلی کےلیےبلوچستان حکومت کےحوالےکردیا گیا ہے، عوام ایسے عناصر کے بارے میں رینجرز کو اطلاع دیں۔

Comments

یہ بھی پڑھیں