The news is by your side.

Advertisement

ایم کیو ایم ساؤتھ افریقا کے 2 کارندے گرفتار، بھاری مقدار میں اسلحہ برآمد

اسلحے کی مقدار سے لگتا تھا کہ بڑی جنگ کی تیاری ہے: ڈی جی رینجرز

کراچی: شہرقائد میں چھاپہ مارکارروائی کرتے ہوئے رینجرز نے ایم کیوایم ساؤتھ افریقہ نیٹ ورک کے2ملزمان کو گرفتار کرلیا، ملزمان کی نشاندہی پر بڑی تعداد میں اسلحہ بھی برآمد ہوا ہے۔

رینجرز ترجمان کےمطابق پہلی چھاپہ مار کارروائی کراچی کے علاقے نارتھ ناظم آباد میں کی گئی ، جس میں ایم کیو ایم ساؤ تھ افریقا نیٹ ورک کے دو کارندے مستقیم اور مقیم کو حراست میں لیا گیا۔

ترجمان نے مزید بتایا کہ ملزمان کی نشاندہی پر کراچی ہی کے ایک اور علاقے عزیزآبادفیڈرل بی ایریامیں واقع ایک مکان پرچھاپہ مارا گیا ، جہاں سے بڑی تعدادمیں اسلحہ اوربارودکابڑاذخیرہ برآمد کیا گیا ہے۔

برآمد ہونے والے اسلحے کے اس ذخیرے میں 195رائفل گرینیڈ،اٹھانوے40ایم ایم گرینیڈ،52 ہینڈگرینیڈبرآمد ہوئے ہیں جبکہ 13عددایلومینیٹڈگرینیڈ،19آوان بم،11آرپی جی سیون راکٹ شامل ہیں۔

اس ذخیرے میں مزید 49سیفٹی فیوز،170ڈیٹونیٹرز،17کلوپلاسٹک ایکسپلوزیو،2آرپی جی شامل ہے جبکہ ایک گرینیڈلانچر،2ایم پی فائیو،6ایم جی،5ایل ایم جی،ایک ایچ ایم جی،2اسنائپر بھی شامل ہیں۔

سندھ رینجرز کا کہنا ہے کہ چھپائے گئے اسلحے میں 4ایس ایم جی،ایک ٹرپل ٹوواررائفل،ایک ڈبل ٹوبوررائفل اور 6سیون ایم ایم رائفل،2جی تھری رائفل،2پستول،4ایس ایم جی گرینیڈلانچرودیگر اسلحہ شامل ہے۔

ملزمان نے انکشاف کیا کہ مارچ 2015 میں ایم کیو ایم کے مرکز نائن زیرو پر چھاپے کے بعد سے وہ مسلسل روپوشی کی زندگی گزاررہے تھے تاہم اس دوران ایم کیو ایم ساؤتھ افریقہ نیٹ ورک کےساتھ رابطےمیں تھے۔

تفتیش کے دوران مستقیم نامی ملزم نے بتایا کہ وہ سنہ1992میں بھارت فرارہوکرجاویدلنگڑاکےساتھ رہائش پذیررہا اور سنہ 1993 میں پاکستان آکر تخریبی کارروائیوں میں ملوث ہوگیا۔

ترجمان رینجرز کا کہنا ہے کہ مستقیم ایم کیو ایم ساؤتھ افریقہ کےشجاع الدین عرف بوبی کےساتھ رابطےمیں تھا۔دونوں ملزمان کومختلف سیاسی رہنماؤں کی ریکی اورٹارگٹ کلنگ کاذمہ بھی دیاگیاتھا۔ یہ بھی بتایا گیا ہے کہ گرفتار شدہ ملزمان کوایم کیو ایم ساؤتھ افریقہ نیٹ ورک تیاررہنےکاحکم دیاتھا۔ بر آمد شدہ مواد سے لگتا ہے کہ یہ ایک لمبی جنگ کی تیاری تھی ۔

آپریشن کی تکمیل پر ڈی جی رینجرز نےبھی برآمد شداسلحے اور بارودی موادکامعائنہ کیا اور آپریشن میں حصہ لینےوالےجوانوں سےملاقات کی اور انہیں مبارک باددی۔ اس موقع پر ڈی جی رینجر ز کا کہنا تھا کہ رینجرزدہشت گردوں کی سرکوبی اورقیام امن کے لیے کوئی کسراٹھانہیں رکھےگی۔

Comments

comments

یہ بھی پڑھیں