رانی مکرجی بالی وڈ کی ان چند اداکاراؤں میں سے ایک ہیں جنھوں نے اپنے کیریئر میں تقریباً ہر طرح کے کردار ادا کیے ہیں۔
رانی مکھرجی، شاید بالی ووڈ میں کسی فلم فرنچائز (مردانی) کی حامل واحد خاتون اداکارہ ہیں۔ 54 ویں انٹرنیشنل فلم فیسٹول آف انڈیا سے خطاب کرتے ہوئے ’کچھ کچھ ہوتا ہے‘ کی اداکارہ نے فلم میں عمر کے تنازع پر اپنے خیالات پیش کیے اور بتایا کہ انھوں نے اسے کبھی اپنے لیے تناؤ کا باعث نہیں بننے دیا۔
انھوں نے کہا کہ میں شائقین سے وعدہ کرتی ہوں کہ میں یقینی طور پر 80 سال کی عمر تک کام کروں گی۔ میں جلد گھر بیٹھنے والوں میں سے نہیں ہوں۔
رانی مکھرجی کا کہنا تھا کہ ’میں اس بات پر یقین نہیں رکھتی کہ کسی اداکار کی عمر کو اسے جانچنے کے لیے استعمال کیا جائے۔ یہ صرف اس لیے ہے کہ ہمارے پاس ایک اوپن تھیٹر ہے جہاں آپ ہر وقت نوجوانوں کو اسکرین پر دیکھنا چاہتے ہیں۔
انھوں کہا کہ جب فلموں میں نوجوانوں کو دکھایا جاتا ہے تو پھر نوجوان بھی ایسی فلمیں دیکھنے کے لیے جاتے ہیں۔ تاہم یہ بھی اہم ہے کہ آپ اپنی فریبی دنیا میں نہ رہیں کیوں کہ آپ ہمیشہ جوان نہیں رہیں گے۔
انھوں نے کہا کہ آپ دل سے جوان ہو سکتے ہیں، لیکن اپنی عمر کو قبول کرنا پڑتا ہے اور اسی کے مطابق مطابق کرداروں کو قبول کرنا پڑتا ہے۔ سامعین کے لیے بھی ضروری ہے کہ وہ اداکاروں کو اس طرح کے کردار میں قبول کریں۔
کرداروں کے حوالے سے گفتگو کتے ہوئے رانی مکھرجی کا کہنا تھا کہ یہ ہمیشہ سے میرا شعوری فیصلہ رہا ہے کہ میں اپنے سامعین کو کچھ ایسا دے سکوں جو ان کے لیے قابل دید ہو۔
