انتہا پسند ہندو رہنما سوارکر کا جانشین مسلم دشمنی میں دو ہاتھ آگے، وینایک دمودر سوارکر کے پوتے رنجیت سوارکر نے مسلمانوں کے معاشی بائیکاٹ کا ہی مطالبہ کر دیا۔
تفصیلات کے مطابق انتہا پسند ہندو رہنما سوارکر کا جانشین رنجیت سوارکر نے کہا کہ ہندوٴ صرف ہندووٴں کے ساتھ لین دین، کاروبار اور تجارت کریں، مسلمانوں کے مکمل بائیکاٹ اور خاتمے سے ہی ہندوستان وجود میں آ سکتا ہے۔
رنجیت سوارکر نے کہا کہ بھارتی مسلمانوں سے نمٹنے کے لیے ہمیں ہٹلر کے طریقے اپنانے ہوں گے، مسلمان بھارت میں صرف ہندوؤں کے غلام بن کر رہ سکتے ہیں۔
انتہا پسند نظریات سے متاثر ہو کر وینایک دمودر سوارکر کو ہٹلر نے اپنی کتاب "میری جدوجہد” بھی تحفہ کی، 1948ء میں سوارکر کو نتھورام گوڈ سے کو مہاتما گاندھی کے قتل پر اکسانے کے جرم میں گرفتار بھی کیا گیا تھا۔
یاد رہے کہ بی جے پی کے روحانی پیشوا وینایک دمودر سوارکر نے ہٹلر کے نازی نظریے سے متاثر ہو کر ہندوتوا کی بنیاد رکھی تھی۔
