The news is by your side.

رنویر سنگھ کو ان کے باڈی گارڈ نے تھپڑ مار دیا، آگے کیا ہوا؟ ویڈیو وائرل

ممبئی : بھارتی فلم انڈسٹری کے معروف اداکار رنویر سنگھ کو اس وقت شدید شرمندگی کا سامنا کرنا پڑا جب اپنے ہی باڈی گارڈ نے تھپڑ جڑ دیا جس کی ویڈیو سوشل میڈیا پر وائرل ہو رہی ہے۔

اس وائرل ویڈیو میں دیکھا جا سکتا ہے کہ رنویر سنگھ اپنے باڈی گارڈ اور دیگر افراد کے ساتھ ایک ایوارڈ تقریب میں موجود ہیں جہاں ان کے مداحوں نے انہیں گھیر رکھا ہے۔

ا س موقع پر ان کا باڈی گارڈ لوگوں کے ہجوم کو دور کرنے کی کوشش کرنے کیلئے اپنا ہاتھ اُٹھا کر انہیں پیچھے ہٹنے کا اشارہ کرنے ہی لگتا ہے کہ اچانک غلطی سے اس کا ہاتھ جاکر زور سے رنویر سنگھ کے گال پر پڑجاتا ہے۔

رنویر سنگھ باڈی گارڈ کے ہاتھ سے تھپڑ لگنے پر اپنے گال پر ہاتھ رکھ لیتے ہیں اور مسکرا کر کہتے ہیں کہ کیا ہوگیا یار اور آگے چل پڑتے ہیں۔

اب مذکورہ ویڈیو سوشل میڈیا پر وائرل ہوگئی ہے اور صارفین نے اس پر اپنے فوری ردعمل کا اظہار کیا ہے۔ انسٹاگرام پر اس واقعے کا حوالہ دیتے ہوئے صارفین نے لکھا کہ "مارو اور مارو اوور ایکٹنگ کو 😂،” جب کہ دوسروں نے رنویر کی وائرل ویڈیو کو صرف پسند کیا اور دل والا لائیک دیا۔

Comments

یہ بھی پڑھیں