The news is by your side.

Advertisement

کرونا کیسز میں تیزی سے اضافہ، 24 گھنٹے میں 2 ہزار سے زائد کیسز رپورٹ

اسلام آباد : کرونا کے مثبت کیسز میں تیزی آنے لگی، گزشتہ 24 گھنٹے کے دوران مزید 53 کرونا مریض زندگی کی بازی ہار گئے۔

مہلک وبا کرونا وائرس کی تیسری لہر نے لوگوں کا شکار کرنا شروع کردیا ہے جس کے باعث کرونا مریضوں کی تعداد میں ایک مرتبہ پھر یومیہ بنیادوں پر ہزاروں افراد کا اضافہ ہورہا ہے۔

نیشنل کمانڈ اینڈ آپریشن سینٹر کے جاری کردہ اعداد و شمار کے مطابق گزشتہ 24 گھنٹوں کے دوران کرونا وائرس کے 2258 نئے کیسز رپورٹ ہوئے ہیں، ملک میں کرونا کیسز کی مجموعی تعداد 5 لاکھ 97 ہزار 497 ہوچکی ہے۔

ملک میں کرونا وائرس کے فعال کیسز کی تعداد 17 ہزار 627 ہوگئی، این سی او سی کی جانب سے ملک میں 24گھنٹے میں کورونا وائرس کے ٹیسٹ مثبت آنےکی شرح 5 فیصد تک پہنچ گئی۔

این سی او سی کے مطابق گزشتہ 24 گھنٹوں کے دوران کرونا وائرس کے مزید 53 مریض دم توڑ گئے جس کے بعد ملک میں کرونا وائرس سے اموات کی تعداد 13 ہزار 377 ہوگئی۔

نیشنل کمانڈ اینڈ کنٹرول سینٹر کا کہنا ہے کہ گزشتہ چوبیس گھنٹے میں مزید 1 ہزار 277 مریضوں کے شفایاب ہونے کے بعد کرونا سے صحت یاب مریضوں کی مجموعی تعداد 5 لاکھ 66 ہزار 493 ہوگئی۔

این سی او سی کے مطابق گزشتہ 24 گھنٹوں کے دوران کرونا وائرس کے 42 ہزار 164 ٹیسٹ کیے گئے، اب تک ملک میں 93 لاکھ 60 ہزار 202 کووڈ 19 ٹیسٹ ہوچکے ہیں۔

ملک بھر کے 735 اسپتالوں میں کرونا وائرس کے ایک ہزار 688 کیسز تشویشناک نوعیت کے ہیں۔

Comments

یہ بھی پڑھیں